ម៉ូដែលស្មាតហ្វូនតម្លៃទាបថ្មីមួយ ត្រូវបានក្រុមហ៊ុនបច្ចេកវិទ្យាចិន បង្ហាញខ្លួន គឺប្រើប្រាស់ស៊ុមធ្វើពីលោហធាតុ មា​នកម្មវិធីស្កេនក្រយាវដៃ តែតម្លៃទាបបំផុត។

ក្រុមហ៊ុន Meizu ទើបតែបានឧទ្ទេសនាមស្មាតហ្វូន Meizu M3S ដែលជា “សិស្សប្អូន” របស់ Meizu M3 និង Meizu M3 Note ដែលបានត្រូវដាក់លក់កាលពីខែមេសាកន្លងទៅ។

/

Meizu M3S មានសម្បកធ្វើអំពីអាលុយមីញ៉ូម ដែលមានរូបរាងកោងមូល ចំណែកផ្នែកខាងមុខ ត្រូវបានការពារដោយស្រទាប់កញ្ចក់ 2.5D រួមនឹង Fingerprint Scanner ស្ថិតនៅត្រង់ប៊ូតុង Home។

/

កម្មវិធី mTouch 2.1 អនុញ្ញាតឱ្យអ្នកប្រើក្រយាវដៃដើម្បីដំណើរការកិច្ចការជាច្រើនផ្សេងៗគ្នា ដូចជា បើកសោទូរស័ព្ទ ទូទាត់ប្រាក់កាស។ល។ ក៏មាននៅលើ Meizu M3S។ រីឯថាមពលថ្មរបស់​ស្មាតហ្វូននេះ ឡើងដល់ 3020 mAh។

/

Meizu M3S ប្រើប្រាស់អេក្រង់ 5 inch​ ដែលមានរីសូលូសឹន HD 720p។ ស្មាតហ្វូននេះ ដំណើរការដោយប្រូសេសឺរ 8-core 1,5GHz MT6750 របស់ MediaTek។ Meizu M3S មានអង្គចងចាំចំនួនពីរប្រភេទសម្រាប់ជ្រើសរើស គឺ ប្រភេទ 2GB RAM + 16GB ROM និងប្រភេទ 3GB RAM + 32GB ROM។ កាមេរ៉ាក្រោយ មានទំហំ 13MP និងភ្លើងហ្វ្លាស LED Dual-Tone។ ចំណែកកាមេរ៉ាមុខ មានទំហំ 5MP អាចជួយឱ្យការថតរូប កាន់តែមានគុណភាព។

/

តម្លៃលក់របស់ Meizu M3S កំណែ  2GB RAM/ 16GB ROM គឺ ៦៩៩យ័ន ប្រហែល ១០៦ដុល្លារអាមេរិក ចំណែកកំណែ 3GB RAM/ 32GB ROM គឺ ៨៩៩យ័ន ប្រហែលនឹង ១៣៦ដុល្លារអាមេរិក។ Meizu M3S នឹងចាប់ផ្ដើមដាក់លក់នៅប្រទេសចិន ចាប់ពីថ្ងៃទី ១៨មិថុនាខាងមុខ។

ប្រែសម្រួល ៖ បុត្រា