ព័ត៌មានអន្តរជាតិ ៖ បើយោងតាមសេចក្តីរាយការណ៍ក្នុងស្រុក បានបញ្ជាក់អោយដឹងថាយុវវ័យជនជាតិតៃវ៉ាន់ម្នាក់ ត្រូវបានរកអោយឃើញថា បានស្លាប់បាត់បង់ជីវិតបន្ទាប់ពីលេងហ្គេមអនឡាញដល់ពេញនិយម Diablo 3 ដល់ទៅ ៤០ ម៉ោងជាប់ៗគ្នាឯណោះ។
គួរបញ្ជាក់ផងដែរ យុវវ័យរូបនោះ មានឈ្មោះហៅក្រៅថា Chuang វ័យ ១៨ ឆ្នាំ បានអង្គុយលេងហ្គេមអនឡាញស្ទើរតែពីរថ្ងៃពេញ ដោយមិនបានទទួលទានទឹកឬក៏អាហារអ្វីនោះទេនៅឯ Internet cafe មួយកន្លែងភាគខាងត្បូងប្រទេសតៃវ៉ាន់។
លុះក្រោយមកមិនបានប៉ុន្មានផង មន្រ្តីជំនាញបានប្រកាសអោយដឹងថា គេបានស្លាប់បាត់បង់ជីវិតបាត់ទៅហើយ នៅឯមន្ទីរពេទ្យក្នុងស្រុកមួយកន្លែង បន្ទាប់ពីបញ្ជូនមកទីនេះ ដើម្បីធ្វើការសង្គ្រោះបន្ទាន់ ក្រោយពីបានដើរដួលសន្លប់នៅឯ Internet cafe ខណៈពេលដែលលេងហ្គេមមិនខ្វល់បាយទឹកស្ទើរតែពីរថ្ងៃពេញ៕
ដោយ ៖ រិទ្ធីប្រភព ៖ Happening