អង់គ្លេស៖ តាមការអោយដឹងពីគេហទំព័រដេលីមែល ដែលបានចុះផ្សាយកាលពីពេលថ្មីៗនេះថា មានបុរសក្លាហានម្នាក់ ដែលបានប្រើភាពឆ្លាតវៃរបស់ខ្លួន ពោលគឺនៅពេលចោរចូលលួចក្នុងហាងរបស់ខ្លួន ដោយខ្លួនរកអ្វីតតាំងជាមួយចោរមិនឃើញ មានតែដបសាប៊ូម៉ាក Toilet Duck ក៏យកប្រយុទ្ធជាមួយចោរតែម្ដង។
ដបសាប៊ូម៉ាក Toilet Duckប្រភពខាងលើបានបន្ដថា ករណីចោរចូលលួចក្នុងហាងនេះ បានកើតឡើង កាលពីវេលាម៉ោង ៧: ០០ព្រឹក ក្នុងហាង Poole Convenience Store ក្នុងប្រទេសអង់គ្លេស។ លោក Kili Mooorthyដែលជាអ្នកធ្វើការក្នុងហាងនោះ បាននិយាយថា ដំបូងឡើយគាត់បានឃើញបុរសពាក់មុខម្នាក់ បានដើរចូលមកក្នុងហាង គាត់លាក់ខ្លួនសិន ក្រោយមកនៅពេលដែលបុរសនោះបានដើររកវត្ថុមានតម្លៃ គាត់ក៏ដឹងថាជាចោរ ភ្លាមនោះគាត់រកអ្វីមិនឃើញ គឺមានតែដបសាប៊ូលាងបង្គន់ គាត់ក៏ទាញប្រយុទ្ធជាមួយចោរតែម្ដង។
លោក Moorthy បានបន្ដថា ក្រោយពេលប្រតាយប្រតប់គ្នា បានប្រមាណជា ១០នាទី ចោរនោះក៏រត់ចេញទៅក្រៅបាត់ទៅ។ ភ្លាមនោះគាត់ ក៏បានទូរស័ព្ទទៅប៉ូលីសផងដែរ។ ពេលខ្លះ ការឆ្លាតវាងវៃរបស់យើង ក៏អាចដោះស្រាយនូវស្ថានភាពលំបាកបានមួយគ្រាដែរ តែពេលខ្លះក៏ត្រូវមើលដែរ បើសិនជាចោរមានកំាភ្លើង គូរធើ្វការពិចារណាអោយបានល្អិតល្អិនសិនដែរ៕
ដោយ៖ នារីប្រភព៖ dailymail