អន្តរជាតិ ៖ បុរសជនជាតិចិនម្នាក់ បានបង្ហោះរូប សាកសពមនុស្សចម្លែក Alien ចូលទៅក្នុងប្រព័ន្ធអនឡាញ ដោយគាត់បានបញ្ជាក់ថា បានប្រមាញ់ជាប់ បន្ទាប់ពីយានអវកាសរបស់វាបានបុក ធ្លាក់មកលើភពផែនដី នាភាគខាងកើតប្រទេស នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស followingthenerd ។
នៅក្នុងរូបភាពខាងលើ គេឃើញមានលោក Li ដែលជាបុរសជនជាតិចិនរូបនោះបានឈរផ្នែកម្ខាងនៃទូរបង្កក សាកសពមនុស្សចម្លែកមួយនេះ ។ គាត់ក៏បានអះអាងបន្ថែមអោយដឹងផងដែរថា ក៏មានសាក្សី ដែលបានឃើញយានអវកាសមនុស្សចម្លែក (UFOs) បានហោះកាត់ទន្លេលឿង (Yellow River) កាលពីពេលរាត្រីកន្លងទៅ កាលពីប៉ុន្មានខែមុននេះ។
គាត់បានគូសបញ្ជាក់ថា បន្ទាប់ពីបានឃើញយានមួយ ចុះចតដល់ភពផែនដីហើយនោះគាត់ក៏បានស្ទុះទៅមើល និងបានរកឃើញនូវ សាកសពឆេះរោលមួយនេះ ដែលបាននៅសល់នឹងអន្ទាក់ចាប់ទន្សាយទៅវិញ។
ផ្ទុយទៅវិញ បន្ទាប់ពីមានការវិភាគរបស់ក្រុមមន្រ្តីប៉ូលីស ក៏មានការបញ្ជាក់អះអាងទៅវិញផងដែរថា តាមពិតទៅវាមិនមែនជាសាកសពមនុស្សចម្លែកអ្វីនោះទេ តែវាគឺជាការប្រឌិតឡើង ដោយធ្វើចេញពីកៅស៊ូដែលមានគុណភាពខ្ពស់តែប៉ុណ្ណោះ៕
ដោយ ៖ រិទ្ធីប្រភព ៖ followingthenerd