ព័ត៌មានអន្តរជាតិ ៖ Lun Lun មេខ្លាឃ្មុំដ៏ធំមួយក្បាល បានផ្តល់កំណើតដល់កូនភ្លោះតូចរបស់ខ្លួន កាលពីថ្ងៃច័ន្ទកន្លងផុតទៅថ្មីៗនេះ នៅឯសួនសត្វ Zoo Atlanta នេះបើយោងតាមមូលដ្ឋានស្រាវជ្រាវ ពូជសត្វខ្លាឃ្មុំ ក្រុង Chengdu ខេត្ត Sichuan ប្រទេសចិន។
លើសពីនេះ បើយោងតាមអ្នកនាំពាក្យ មកពីសួនសត្វមួយនេះ លោកស្រី Keisha Hines អោយដឹងថា វាគឺជាលើកទី ៤ ហើយ ដែលមានសត្វខ្លាឃ្មុំ Lun Lun វ័យ ១៥ ឆ្នាំនេះ បានផ្តល់កំណើតដល់កូនរបស់ខ្លួន ស្របពេលដែលវាគឺជាលើកទី ១ ក្នុងការផ្តល់កំណើតបានកូនភ្លោះ។
Lun Lun មេខ្លាឃ្មុំដ៏ធំ ផ្តល់ភាពកក់ក្កៅអោយកូនតូចរបស់ខ្លួន Xi Lan វ័យ ៤ ខែ
គួរបញ្ជាក់ផងដែរថា មេខ្លាឃ្មុំដ៏ធំមួយក្បាល ត្រូវបានរកអោយឃើញថា មានកូនចាប់តាំងពីថ្ងៃទី ៣០ មិថុនាមកម្ល៉េះ ។ ទន្ទឹមនឹងនេះ បើនិយាយពីឪពុករបស់កូនខ្លាឃ្មុំមួយគូនេះវិញ មានឈ្មោះថា Yang Yang ។
A Bao (Po) កូនខ្លាឃ្មុំតូច វ័យ ២ ឆ្នាំ
Lun Lun និង Yang Yang បានធ្លាប់មានកូនជាមួយគ្នា ៣ ដងរួចមកហើយ ក្នុងនោះពួកគេមានឈ្មោះដូចជា ៖ Mei Lan, Xi Lan និង A Bao (Po) ស្របពេលបានចាប់កំណើតក្នុងឆ្នាំ ២០០៧, ២០០៩, និងនៅក្នុងឆ្នាំ ២០១១ ៕