ក្នុងគោលបំណងដើម្បីមានសិទ្ធិចូលប្រកួតនៅវគ្គជំរុះ1/4 បន្តទៀត ក្រុមជំរើសជាតិក្រិចបានខិតខំអស់ពីសមត្ថភាពដើម្បីស្វែងរកគ្រាប់បាល់។
នៅក្នុងតង់ទី1 ក្រុមជំរើសជាតិរុស្ស៊ីគឺជាក្រុមដែលលេងបាល់បានល្អជាង។ ឱកាសគ្រោះថ្នាក់ជាច្រើនត្រូវបានក្រុមកីឡាកររបស់គ្រូបង្វឹក Advocaat ដាក់សំពាធលើអ្នកចាំទីក្រិច ប៉ុន្តែមិនអាចទំ-លាយសំណាញ់របស់ក្រិចបានឡើយ។ ក្នុងពេលនោះក្រោមការលេងទំរង់ទប់ និងវាយបកបានយ៉ាងល្អ ក្រិចក៏បានធ្វើឲ្យរុស្ស៊ីជួបការពិបាកមិនតិចផងដែរ។ ជាលទ្ធផលក្រិចក៏រកគ្រាប់បាល់នាំមុខបាននៅនាទីបន្ថែមចុងតង់ទី1 ដោយកីឡាករ Giorgos Karagounis។
Giorgos Karagounis វីរបុរសក្រុមជំរើសជាតិក្រិច
ចូលដល់តង់ទី2 រុស្ស៊ីចាប់ផ្តើមបង្កើនល្បឿនវាយសំរុក ប៉ុន្តែនៅតែមិនអាចរកគ្រាប់បាល់បានក្រោមខ្សែការពារដ៏រឹងមាំរបស់ក្រិច។ ជាក់ស្តែង ក្រិចអាចនឹងរកគ្រាប់បាលបានច្រើនជាងនេះបើសិនជាក្រិចវាយបកវិញបានល្អជាងនេះ។ ចាញ់ការប្រកួត រុស្ស៊ីទទួលស្គាល់លទ្ធផលហើយប្រគល់សិទ្ធិប្រកួតនៅវគ្គជំរុះ1/4 ដល់ក្រិច៕
Video Highlight Goal Greece vs Russi
លទ្ធផល៖ ក្រិច-រុស្ស៊ី (1-0)រកបានគ្រាប់បាល់៖ Karagounis 45+2កីឡាករចូលប្រកួត៖
ដោយ៖ ណាណូប្រភព៖ 24h