"អស្ចារ្យមែន!" អាយុ​ ៩ឆ្នាំសោះ រកប្រាក់បាន ៣៨៦,០០០ ដុល្លារ ក្នុង១៥ នាទី

អង់គ្លេស៖ បើតាមការអោយដឹងពី Daily Mail​ បានរាយការណ៍ថា អ្នកគូររូបភាព វ័យក្មេងប្រទេសអង់គ្លេស ម្នាក់អាចរកប្រាក់បានរហូតដល់ ៣៨៦,០០០ដុល្លារឯណ្ណោះ ក្នុងរយៈពេលត្រឹមតែ ១៥នាទី។Kieron Williamson ជាក្មេងប្រុសម្នាក់​ ដែលមានអាយុ​ ៩ ឆ្នំា មានកំណើតនៅក្នុងទីក្រុងNorfolk ប្រទេសអង់គ្លេស។ Williamson ត្រូវបានគេចាត់ទុក​​ជា​ វិចិត្រករផ្នែកគូររូបវ័យក្មេងហើយឆ្នើមបំផុតក្នុងពិភពលោក។​ គួររំលឹកផងដែរថា រូបភាពដែល Williamson គូរហើយចំនួន ២៤ផ្ទាំង អាចលក់បានរហូតដល់ ៣៨៦,០០០ ដុល្លារឯណ្ណោះ។តាមការបង្ហាញពីវិត្រករជើងចាស់ៗ បានអោយដឹងថា រាល់គំនូរដែល Williamson គូរសុទ្ទតែមានលក្ខណៈត្រឹមត្រូវទាំងអស់ ពោលគឺរូបភាពនីមួយៗ មានភាពសមាមាត្រ ទាក់ទាញ និងមានភាពរស់រវើកបំផុត។ វិចិត្រករ Aelita Adre បាននិយាថា Williamson ពិតជាមានទេពកោសល្យខាងគូររូបខ្លាំងណាស់ពោល គឺគេចេះដាក់ទឹកថ្នាំត្រូវតាម រូបភាពជាក់ស្ដែងតែម្ដង។ គាត់បានបន្ដថា Willaimson ជាក្មេងឆ្លាត មានអារម្មណ៍ល្អ និងមានការស្រមើស្រម៉ៃខ្ពស់ទៀតផង។Williamson បាននិយាយថា ខ្ងុំពិតជាសប្បាយចិត្តខ្លាំងណាស់​ នៅពេលដែលរូបភាព ដែលខ្ងុំគូរហើយ មានការគាំទ្រច្រើនពីទស្សនិកជនបែបនេះ។ គេបានបន្ដទៀតថា គេនឹងខិតខំព្យាយាមអោយអស់ពីកម្លាំងកាយចិត្ត ដើម្បីអភិវឌ្ឍន៍ខ្លួនរបស់គេ អោយក្លាយទៅជា វិចិត្រករ ដ៏កំពូលម្នាក់នាពេលអនាគត៕