ប្លែកៗ៖ នៅពេលដែលគេបង្ហាញរូបភាពនៃបុរសម្នាក់ ក្នុងចំណោមគ្នាពីរនាក់ ដែលបានរត់ឆ្លងកាត់លើកំណក កំអែលភ្នំភ្លើង ដែលមានកំដៅរាប់ពាន់អង្សានោះ គឺបានធ្វើអោយមនុស្សជាច្រើន មានការតក់ស្លុតយ៉ាងខ្លាំង និងបានរិះគន់ដល់បុរសនោះខ្លះៗដែរ។
ទោះបីជាយ៉ាងណាក៏ដោយ គេហាក់បីដូចជាមិនប្រាប់ពីឈ្មោះ បុរសដែលបានរត់កាត់កំអែលភ្នំភ្លើងកំពុងហូរនោះទេ។ អ្នកវិទ្យាសាស្រ្ដ Erik Klemetti មកពីសាកលវិទ្យាល័យ Denis រដ្ឋOhio សហរដ្ឋអាមេរិក បានអោយដឹងថា ភ្នំ Etna ស្ថិតក្នុងតំបន់ Sicily ទឹកដីអាហ្វ្រិកនេះ គឺមានសកម្មភាពខ្លាំងក្លាណាស់ខាងបន្ទុះភ្នំភ្លើង ដូច្នេះ មិនគួរណាមនុស្ស យកជីវិតទៅលលេងជាមួយវាឡើយ។
លោក Erik បានបន្ថែមថា សំណាងណាស់ កំដៅនៃកំអែលភ្នំភ្លើងនោះ វាមិនបានផ្ដល់គ្រោះថ្នាក់ដល់បុរស ដែលបានរត់ឆ្លងកាត់នោះ។ គាត់សូមប្រាប់ជាថ្មីថា សូមកុំព្យាយាមធ្វើវាទៀតអីនៅពេលក្រោយ។ នេះជាវីដេអូក្លីប សូមចុចដើម្បីមើល៕
ដោយ៖ នារីប្រភព៖ newsday