ព័ត៌មានអន្តរជាតិ ៖ តាមការអោយដឹងពីទំព័រសារព័ត៌មានបរទេស chinadaily ដែលទើបតែបានចេញផ្សាយកាលពីម្សិលមិញនេះ បានបញ្ជាក់អោយដឹងថា ត្រីផ្សោតទន្លេពីរក្បាល ត្រូវបានយោធាប្រទេសចិនធ្វើការជូយសង្គ្រោះ បន្ទាប់ពីវាបានជាប់ប្រទាក់ក្រឡាជាមួយនឹងមង ក្នុងតំបន់ទីប្រជុំជន Jianggang ក្នុងក្រុង Dongtai ខេត្ត Jiangsu ភាគខាងកើតប្រទេសចិន។
គួរបញ្ជាក់ផងដែរថា មូលហេតុចម្បងដែលបានធ្វើអោយវាជាប់ប្រទាក់ក្រឡាជាមួយនឹងមងនោះក៏ដោយសារតែវា បានហែលចូលទៅកន្លែងកើតហេតុ ដែលជាតំបន់បង្កាត់ពូជ លុះពេលទឹកស្រក់វាក៏បានជាប់ទៅនឹងមងតែម្តង។
ដោយឡែក ភ្លាមៗនោះក៏មានការអន្តរាគមន៍ពីសំណាក់យោធាប្រចាំតំបន់ដោយបានធ្វើការជួយសង្គ្រោះ និងបានដោះលែងវាវិញ ក្នុងរយៈពេល ៤ ម៉ោងក្រោយ។ គួររំឭកផងដែរថា ផ្សោតទន្លេពីរក្យាលនេះ ត្រូវបានរកអោយឃើញថា មានប្រវែង ១,៥ ម៉ែត្រ និងទម្ងន់ជិត ៨០ គីឡូក្រាម ៕
ដោយ ៖ រិទ្ធីប្រភព ៖ chinadaily