កម្ពុជានឹងចូលរួមពិធីតាំងពិព័រណ៍មួយដែលមានឈ្មោះថា ពិព័រណ៍ម្ហូបអាហារ និងសណ្ឋាគារវៀតណាមឆ្នាំ២០១៣ (FHV2013)” ដែលនឹងត្រូវរៀបចំឡើងចាប់ពីថ្ងៃទី២៤ ដល់ទីថ្ងៃ២៦ខែមេសាឆ្នាំ២០១៣ នៅមជ្ឈមណ្ឌលសន្និបាតនិងពិព័រណ៍សៃហ្គន (SECC)។
ពិព័រណ៍ម្ហូបអាហារ និងសណ្ឋាគារវៀតណាមឆ្នាំ២០១៣ (FHV2013)” ដែលនឹងត្រូវបានគេរៀបចំនៅលើផ្ទៃដីសរុប៨,៨៨០ម៉ែត្រការ៉េ នេះ នឹងមានការអញ្ញើញចូលរួមពីក្រុមហ៊ុនជាង៣៨០ក្រុមដែលមកពីបណ្តារប្រទេសចំនួនជាង៣០ប្រទេស ក្នុងតំបន់អាស៊ី និងអឺរ៉ុប។
ពិធី ពិព័រណ៍ម្ហូបអាហារ និងសណ្ឋាគារវៀតណាមឆ្នាំ២០១៣ (FHV2013)” ត្រូវបានគេយល់ថាជាឱកាសល្អមួយក្នុងតំបន់អាស៊ីអាគ្នេហ៍ សម្រាប់ប្រទេសកម្ពុជា ដើម្បីផ្សព្វផ្សាយ ពង្រីកពីសេវាកម្មផ្នែកសណ្ឋាគាររបស់កម្ពុជា និងដើម្បីស្វែងរកប្រភពឧបករណ៍ និងផលិតផលថ្មីៗ ដែលមិនអាចរកបាននៅក្នុងស្រុក នាពេលបច្ចុប្បន្ន៕
ដោយ ៖ សីហា