អាមេរិក៖ តាមការអោយដឹងពីគេហទំព័រ newsday ដែលបានចុះផ្សាយកាលពីពេល ថ្មីៗនេះថាបុរសម្នាក់ ដែលជាអតិតកីឡាករប្រដាល់ដ៏ឆ្នើម បាននាំស្រីស្នេហ៍មកក្រេបទឹកឃ្មុំ ក្នុងតំបន់អាស៊ី តែអកុសលអី ត្រូវស្រីស្នេហ៍លួចកាត់ ប្រដាប់បន្ដពូជបាត់។
លោក Ray Elbe គឺជាអតិតកីឡាករ ដ៏ល្បីម្នាក់ ឬគេអោយឈ្មោះថា “Ulimate Fighter” ដែលមានវ័យប្រហែលជា ៣៥ឆ្នាំ រស់ក្នុងប្រទេសអាមេរិក ត្រូវបានស្រីស្នេហ៍របស់លោកលួចកាត់ប្រដាប់បន្ដពូជ របស់លោកបាត់ ខណៈដែលរូបលោក និងនាងស្រីស្នេហ៍ បានមកក្រេបទឹកឃ្មុំ នៅប្រទេសម៉ាឡេស៊ី កាលពីថ្ងៃទី ៣- ៤ ខែ ធ្នូ កន្លងទៅនេះ។
លោក Elbe បាននិយាយទាំងក្ដុលក្ដួលថា ដំបូងឡើយ គាត់មិនចង់និយាយជាសាធារណៈទេ គឺគាត់គ្រាន់តែ ទៅព្យាបាលក្នុងមន្ទីរពេទ្យឯកជនធម្មតាប៉ុណ្ណោះ តែក្រោយមក គាត់ក៏បាន លាតត្រដាងរឿងនេះ គឺរហូតដល់ក្នុងគេហទំព័រ YouTube ទៀតផង។
Elbe បានបន្ដថា វាមិនមែនជារឿងអី ដែលគួរអោយខ្មាសអៀនទេ ដូច្នេះ គាត់ត្រូវតែនិយាយប្រាប់ អោយមនុស្សប្រុសទាំងអស់បានដឹង អោយចេះមានការប្រុងប្រយ័ត្នចំពោះខ្លួន ហើយវាក៏ជាបទពិសោធន៍មួយ ដ៏ធំសម្រាប់ជីវិតគាត់ដែរ៕ នេះជាវីដេអូក្លីប សូមចុច ដើម្បីមើល។
ដោយ៖ នារីប្រភព៖ newsday