អាមេរិក៖ សហរដ្ឋអាមេរិក បានផលិតរថយន្ដជាច្រើនប្រភេទនៅក្នុងឆ្នាំ ២០១២ នេះ។ ប៉ុន្ដែសម្រាប់រថយន្ដ Dodge Viper វិញ ពេលនេះគេអាចចាត់ទុកជារថយន្ដដ៏ល្អបំផុត សម្រាប់ការដាក់លក់នៅឆ្នាំ ២០១៣ ខាងមុខនេះ។ 
តាមសេចក្ដីរាយការណ៍របស់ក្រុមហ៊ុនរថយន្ដ បុរីញូវយ៉ក បានអោយដឹងថា ក្នុងរយៈពេលប៉ុន្មានឆ្នាំចុងក្រោយនេះ រោងចក្រផលិតម៉ាស៊ីនប្រភេទ Dodge Viper បានទទួលភាពជោគជ័យបំផុត ពោលគឺ គេទទូលបានការគាំទ្រដ៏ច្រើនលើសលប់ សម្រាប់រថយន្ដម៉ាក Dodge Viper នេះ ។ លើសពីនេះទៅទៀត គេបានសង្ឃឹមយ៉ាងមុតមាំថា ការចេញជំនាន់ក្រោយ គឺ2013 Dodge Viper នឹងមានអតិថិជនកាន់តែច្រើននាក់ ចូលទិញរថយន្ដនេះយកទៅប្រើប្រាស់។
ការទទួលបានភាពជោគជ័យបែបនេះ ក៏ដោយសារក្រុមហ៊ុន បានរិះរកគ្រប់មធ្យោបាយដើម្បី អោយរថយន្ដនេះមានភាពល្អប្រណិតបំផុត។ លើសពីនេះ ក្រុមហ៊ុនក៏បានចំណាយទឹកប្រាក់ដ៏ច្រើនលើសសប់ ក្នុងការអភិវឌ្ឃន៍ក្រុមហ៊ុនទៀតផង។ 
គួររំលឹកផងដែរថា ក្រោយពីការធ្វើការវិភាគរបស់អ្នកសារពត៌មានរួចមក គេអាចបញ្ជាក់ថា រថយន្ដ 2013 Dodge Viper នឹងអាចក្លាយជារថយន្ដល្អបំផុងក្នុងពិភពលោកនាឆ្នាំ ២០១៣ ខាងមុខនេះ។ តម្លៃរថយន្ដគឺពី ៨៥,០០០- ៩៥,០០០ដុល្លារ៕
ដោយ៖ សារិនប្រភព៖ yahoo