គេហទំព័រ Bloomberg ទើបតែធ្វើការបញ្ជាក់ឲ្យយើងបានដឹង នូវព័ត៌មានពីរ ដែលកំពុងគួរឲ្យចាប់ អារម្មណ៍ស្តីពីក្រុមហ៊ុន Samsung។ រឿងដំបូងនោះគឺ វានឹងមិនមានស្មាតហ្វូន Samsung Galaxy Note 6 ទេ ដោយ Samsung នឹងធ្វើការផ្លាស់ប្តូរឈ្មោះទៅជា Samsung Galaxy Note 7 ដើម្បីឲ្យភាព ស៊ីមីទ្រីគ្នាជាមួយនឹងម៉ូដែល Galaxy S7 ដែលបង្ហាញខ្លួនក្នុងឆ្នាំជាមួយគ្នា។ រឿងមួយទៀតនោះគឺ Samsung កំពុងតែធ្វើការអភិវឌ្ឍន៍ម៉ូដែលស្មាតហ្វូនមានអេក្រង់អាចបត់បែនបាន ហើយមិនមែនតែ មួយម៉ូដែលនោះទេ គឺមានដល់ពីរម៉ូដែលថ្មីតែម្តង ហើយបើតាមការរំពឹងទុក ស្មាតហ្វូនអេក្រង់បត់បាន ដំបូងរបស់ Samsung អាចមានមួយ ឬទាំងពីរនេះតែម្តង នឹងបង្ហាញណែននាំខ្លួននៅក្នុងខែកុម្ភៈ ឆ្នាំ ក្រោយ នៅ MWC 2017។
នៅក្នុងចំណោមស្មាតហ្វូនអេក្រង់បត់ទាំងពីរ មួយមានអេក្រង់ទំហំ ៥អ៊ីន ប៉ុន្តែវាអាចបើកពន្លារបាន អេក្រង់ទំហំ ៨អ៊ីន ក្នុងទម្រង់ជា Tablet។ ហើយមួយទៀត វាមានទម្រង់បត់ ដូចទៅនឹងប្រអប់គ្រឿង សំអាងមុខ របស់បងប្អូននារីៗ។
ស្មាតហ្វូនអេក្រង់អាចបត់បានទាំងពីរនេះ នឹងមិនស្ថិតនៅក្នុងត្រកូល S នោះទេ ហើយវានឹងបង្ហាញ ណែនាំខ្លួន នៅដើមឆ្នាំ ដូច្នេះប្រាកដណាស់ ថាពួកវាក៏នឹងមិនស្ថិតក្នុងត្រកូល Note ដែរ។ ដូចនេះ Samsung អាចនឹងធ្វើការត្រកូលផលិតផលថ្មីផ្សេងមួយទៀត សម្រាប់បណ្តាស្មាតហ្វូន ដែលមាន អេក្រង់អាចបត់បែនហើយ៕
វីដេអូ Concept របស់ Samsung កាលពីឆ្នាំ 2014
- អានអត្ថបទ៖ តោះ! ទស្សនាគំរូពង្រាងដ៏ស្រស់ស្អាត របស់ iPhone 7 និង 7 Plus ផ្អែកតាមព័ត៌មាន ចចាមអារ៉ាម បន្តិចមើល៍!
ប្រែសម្រួល៖ មង្គលប្រភព៖ Bloomberg, Tinhte