បុរសផឹកតែច្រើនអាចកើតជម្ងឺមហារីកក្រពេញ (ឈ្មោល)

តែគឺជាដំណាំរុក្ខជាតិម្យ៉ាងដែលមានរសជាតិឈ្ងុយឆ្ងាញ់ ផឹកទៅជួយអោយយើងមានអារម្មណ៍ស្រស់ថ្លា បំបាត់ភាពងងុយដែក និងធ្វើអោយយើងមានសុខភាពល្អផងដែរ។ ប៉ុន្ដែតាមការស្រាវជ្រាវមួយបាន​អោយដឹងថា បុរសផឹកទឹកតែក្នុងមួយថ្ងៃចាប់ពី ៧ កែវឡើងទៅ អាចប្រឈមមុខ រហូតដល់​ ៥០ ភាគរយនៃការកើតជម្ងឺមហារីកក្រពេញ (ឈ្មោល)។

តាមការសិក្សាស្រាវជ្រាវរបស់អ្នកវិទ្យាសាស្រ្ដមួយនៃសាកលវិទ្យាល័យ Glasgow (UK) បានបង្ហាញថាមានបុរសច្រើនជាង ៦,០០០ នាក់បានកើតជម្ងឺមហារីកបន្ទាប់ពីការស្រាវជ្រាវឃើញថា ភាគច្រើននៃបុរសទាំនោះបានផឹកតែ យ៉ាងហោចណាស់ ៧ កែវក្នុងមួយថ្ងៃ។ របាយការណ៍ក្នុងរយះពេលបួនទសត្សរ៍។

ពួកបុរសដែលប្រឈមមុខនឹងជម្ងឺ មហារីកក្រពេញតាមកាសិក្សាកន្លងមករបស់​បណ្ឌិត Kashif Shafique ពីសាកលវិទ្យាល័យ UKGlasgow បានអោយដឹងថា បុរសមានអាយុចាប់ពី ២១- ៧៥ ឆ្នាំអាចប្រឈមមុខនឹងកើជម្ងឺមហារីក បេះដូង ទឹកនោមផ្អែម និងជម្ងឺផ្សេងៗទៀត​ប្រសិនបើពួកគេមានទំលាប់ ផឹកតែ កាហ្វេ ជាតិអាល់កុល និងពិសារបារីច្រើនហួសកំណត់៕