ព័ត៌មានអន្តរជាតិ ៖ បើតាមការដកស្រង់ព័ត៌មាន ពីទំព័របរទេស Yahoo ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា យុវតីម្នាក់ បានបើកឡានទៅបុកនឹងឡានប៉ូលីស ដែលកំពុងតែចតនៅម្ខាង ដើម្បីគេចផុតពីការចាប់ជំរិតរបស់ឧក្រិដ្ឋជនមា្នក់ ។
គួរបញ្ជាក់ផងដែរថា ករណីខាងលើនេះ បានកើតឡើងកាលពីពេលកន្លងទៅនៅឯរដ្ឋ New Jersey សហរដ្ឋអាមេរិក ហើយបើនិយាយពីឧក្រិដ្ឋជន ដែលត្រូវបានចាប់ឃាត់ខ្លួនរូបនោះវិញ មានឈ្មោះថា Floribert Nava វ័យ ៤៥ ឆ្នាំ ជាប់ចោទពីបទ ចាប់ជំរិតយុវតីម្នាក់ អោយបើកឡានទៅរដ្ឋ Philadelphia ក៏ព្រោះតែមានជម្លោះរឿងស្មុំកូនមកចិញ្ចឹម ដោយឪពុកម្តាយកូនចិញ្ចឹមតូចនោះ រស់នៅក្នុងរដ្ឋមួយនេះ។
បន្ទាប់ពីយុវតីឆ្លាតវៃរូបនេះ បានបើកឡានទៅបុករថយន្តប៉ូលីស ដែលកំពុងតែចតស្ងៀមនៅម្ខាងនៃផ្លូវហើយនោះ រំពេចនោះ លោក Floribert ក៏ត្រូវបានចាប់ឃាត់ខ្លួនភ្លាមៗ ខណៈពេលដែលក្នុងដៃប្រដាប់ដោយអាវុធ៕
ដោយ ៖ ពិសិដ្ឋប្រភព ៖ yahoo