ព័ត៌មានអន្តរជាតិ ៖ យោងតាមទីភ្នាក់ងារសារព័ត៌មានបរទេស ដឹមីរ័រ​ ដែលទើបតែបានចេញកាលពីប៉ុន្មានម៉ោងមុននេះ     បានគូសបញ្ជាក់អោយដឹងថា  ដុំឈើមួយដុំ  ដែលត្រូវបានគេសន្មត់ថា ជាស្លាកសញ្ញា ហាមចូល “no entry” គឺជាដុំឈើរបស់ចក្រភពអង់គ្លេស ដែលមានអាយុកាលចាស់ជាទីបំផុតនោះគឺ  មានអាយុកាលដល់ទៅជាង  ៦,០០០ ឆ្នាំ បន្ទាប់ពីវាត្រូវបានរកឃើញដោយក្រុមបុរាណវត្ថុវិទូ (archaeologists) ។

width=443

ដុំឈើ ដែលមានប្រវែងជាងមួយម៉ែត្រកន្លះមួយនេះ  ធ្លាប់បានគេប្រើប្រាស់ធ្វើជាព្រំប្រទល់ដែនហាមចេញចូលរបស់ក្រុមកុលសម្ព័ន្ធ របស់ចក្រភពអង់គ្លេសសម័យបុរាណ។ គួររំឭកផងដែរថា     ដុំចម្លាក់ឈើមួយនេះ  ត្រូវបានរកឃើញនៅឯ ​​ ការដ្ឋានទំនប់វារីអគ្គីសនីមួយកន្លែង នាជ្រលងភ្នំ Rhondda ។

យ៉ាងណាមិញ បើយោងតាមសម្តីលោកRichard Scott Jones បុរាណវត្ថុវិទូមកពី Heritage Recording Services Wales   អះអាងអោយដឹថា  ដុំឈើចម្លាក់មួយនេះ  វាពិតជាមានតម្លៃជាខ្លាំង ក៏ព្រោះតែវាគឺជាផ្នែកមួយ  នៃស្នាដៃសិល្បៈចម្លាក់ដ៏កម្រពីសម័យបុរាណ  ពោលគឺវាមានអាយុកាលដល់ទៅជាង ៦,២៧០  ឆ្នាំឯណោះ អំឡុងចុងយុគសម័យ Mesolithic និងដើមយុគសម័យ Neolithic  (Late Mesolithic/Early Neolithic period) ៕

ដោយ ៖ ពិសិដ្ឋប្រភព ៖ ដឹមីរ័រ