Khanzir គឺជាជ្រូកតែមួយគត់របស់ប្រទេស Afghanistan ដូច្នេះ វាក៏បានក្លាយជាជ្រូកល្បីឈ្មោះ និងទាក់ទាញភ្ញៀវទេសចរណ៍ចូលមកទស្សនា។
Khanzir គឺជាជ្រូកដ៏ល្បីឈ្មោះមួយក្បាល។ ភ្ញៀវទេសចរណ៍ពីគ្រប់ទីកន្លែងបានមកកាន់សួនសត្វដើម្បីបានមើល Khanzir។ ភាពល្បីល្បាញរបស់ Khanzir គឺដោយសារថា វាគឺជាជ្រូកតែមួយគត់នៅក្នុងប្រទេស Afghanistan។
នៅ Afghanistan ក៏ដូចជាបណ្ដាប្រទេសកាន់សាសនាអ៊ីស្លាមផ្សេងទៀត ការបរិភោគសាច់ជ្រូកត្រូវបានគេហាមឃាត់ នេះបើតាមទំព័រ Washington Post ។ ជាក់ស្ដែង ការប៉ះពាល់ជ្រូក ជួនកាលត្រូវបានគេហាមឃាត់ផងដែរ ហើយជាលទ្ធផល ជ្រូកមិនត្រូវបានគេចិញ្ចឹមនៅក្នុងប្រទេស។
Aziz Gul Saqib អគ្គនាយកនៃសួនសត្វ Kabul ដែលជាកន្លែងចិញ្ចឹមជ្រូក Khanzir អាយុ ១៤ឆ្នាំ ឱ្យដឹងថា “និយាយរួម ជនជាតិ Afghanistan ស្ទើរតែទាំងអស់ មិនធ្លាប់បានឃើញជ្រូកក្នុងមួយជីវិតរបស់ពួកគេ”។
Aziz Gul Saqib និយាយថា Khanzir (មានន័យថាជ្រូក ក្នុងភាសា Afghanistan ) មិនមែនជាជ្រូកដែលឯកោនោះទេ។ កាលពីឆ្នាំ ២០០២ វាត្រូវបានបញ្ជូនមកទីនេះពីប្រទេសចិន រួមជាមួយនឹងជ្រូកញីមួយក្បាល និងខ្លាឃ្មុំមួយគូ។
Khanzir និងជ្រូកញីនេះបង្កើតបានកូនមួយនៅប៉ុន្មានឆ្នាំក្រោយមក។ ប៉ុន្តែ គ្រូសារជ្រូកនេះបានជួបនឹងគ្រោះថ្នាក់ធំក្នុងឆ្នាំ ២០០៦។
Aziz Gul Saqib បកស្រាយថា “ថ្ងៃមួយ អ្នកថែទាំបានភ្លេចបិទសោទ្រុងខ្លាឃ្មុំ បណ្ដាលឱ្យខ្លាឃ្មុំចូលទៅក្នុងទ្រុងជ្រូក ហើយសម្លាប់កូនជ្រូក។ បុគ្គលិកថែសួន ជួយសង្គ្រោះបានតែ Khanzir និងមេជ្រូក”។ ប៉ុន្តែ ក្រោយមក មេជ្រូកនោះក៏បានងាប់ ដោយសាររងរបួសធ្ងន់។
ប្រពន្ធ និងកូន របស់ Khanzir ត្រូវបានខ្លាឃ្លុំសម្លាប់យ៉ាងព្រៃផ្សៃ
នោះគឺជាពេលវេលាដែល Khanzir បានក្លាយជាជ្រូកតែមួយគត់នៅក្នុងប្រទេស Afghanistan។Khanzir ពេលនេះ បានចាស់ណាស់ទៅហើយ។ រាល់ថ្ងៃ Khanzir ចំណាយពេលភាគច្រើនទៅលើតែការដេក និងសម្លឹងមើលភ្ញៀវទេសចរណ៍។ អគ្គនាយកសួនសត្វបាននិយាយថា ពួកគេកំពុងតែស្វែងរកគូមកឱ្យ Khanzir ប៉ុន្តែ រកមិនទាន់បាន៕
ប្រែសម្រយល ៖ តារាប្រភព ៖ independent