ព័ត៌មានអន្តរជាតិ ៖ បើតាមការអោយដឹងពីទំព័រសារព័ត៌មានបរទេស Happening ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា  បុរសថ្លង់ម្នាក់ត្រូវបានរកអោយឃើញថា  រងរបួសជាទម្ងន់   បន្ទាប់ពីមានការវាយប្រហារពីសំណាក់បុរសម្នាក់ផ្សេងទៀត ដែលគាត់បានយល់ថា ភាសាកាយវិការរបស់ជនរងគ្រោះរូបនោះឈ្លើយសំរាប់គាត់។

width=471    លោក Terrance Ervin Daniels ដែលជាជនរងគ្រោះ ស្ថិតនៅក្នុងស្ថានភាពធ្ងន់នៅឡើយ

លើសពីនេះទៅទៀត បើយោងតាមសម្តីមន្រី្តផ្លូវការមកពីរដ្ឋ North Carolina សហរដ្ឋអាមេរិកបានបញ្ជាក់អោយដឹងថា​  បុរសដែលជាជនរងគ្រោះរូបនោះ  មានឈ្មោះថា  Terrance Ervin Daniels វ័យ ៤៥ ឆ្នាំ ត្រូវបានជនដៃដល់  ដែលមានកាយសប្បទាគ្រប់គ្រាន់  បើកការវាយប្រហារមកលើគាត់  ដោយចាក់នឹងកាំបិតជាច្រើនដង ខណៈពេលដែលគេបានគិតថា ភាសាកាយវិការដែលជនរងគ្រោះកំពុងប្រើជាមួយនឹងមនុស្សថ្លង់ដូចគ្នានោះ គឺវាឈ្លើយ។

ភ្លាមៗនោះ ក៏មានការអន្តរាគមន៍ពីសំណាក់ក្រុមមន្រ្តីប៉ូលីស ដោយធ្វើការចាប់ឃាត់ខ្លួនជនដៃដល់ ឈ្មោះ Robert Jarell Neal វ័យ ២២ ឆ្នាំរង់ចាំការកាត់ទោសទៅតាមផ្លូវច្បាប់ប្រទេសនេះស្របពេលដែលវាយប្រហារទៅលើមនុស្សមិនមានកាយសប្បទាគ្រប់គ្រាន់ រីឯលោក Danielsស្ថិតនៅក្នុងស្ថានភាពរបួសធ្ងន់នៅឡើយ ខណៈពេលដែលសម្រាកព្យាបាលនៅក្នុងមន្ទីរពេទ្យUNC Hospital ៕

ដោយ ៖​ រិទ្ធីប្រភព ៖ Happening