សត្វចម្លែកមួយដែលត្រូវបានគេសង្ស័យថាជានាគ ត្រូវគេថតបាននៅពេលវាហោះហើរនៅលើជួរភ្នំមួយរបស់ចិន។ វីដេអូបង្ហាញអំពីសត្វចម្លែកនេះបានបង្កការភ្ញាក់ផ្អើលនៅលើអ៊ីនធឺរណែត ដោយអ្នកខ្លះថាពិត អ្នកខ្លះថាមិនពិត។
វីដេអូដែលមានរយៈពេល៥នាទី មានចំណងជើងថា “នាគត្រូវគេប្រទះឃើញនៅប្រទេសចិន” ដែលបង្ហោះដោយគណនី ApexTV នៅលើ Youtube នេះ បង្ហាញអំពីសត្វចម្លែកដ៏ធំមួយដែលត្រូវបានគេឃើញកំពុងហោះហើរឆ្លងកាត់ជួរភ្នំមួយដែលត្រូវបានគេជឿថា នៅក្បែរព្រំដែនចិន និងឡាវ។
ApexTV សរសេរអំពីវីដេអូនេះថា “បុរសជនជាតិចិនម្នាក់បានថតបានសត្វចម្លែកដ៏ធំនេះ ដែលត្រូវបានប្រទះឃើញនៅក្បែរព្រំដែនឡាវ។ មានការយល់ឃើញជាច្រើន បានកើតឡើង ខណៈដែលមនុស្សមួយចំនួនអះអាងថានេះគឺជាសត្វនាគ ចំណែកអ្នកខ្លះនិយាយថា រូបភាពនេះបង្ហាញអំពីសត្វ pterodactyl (ដែលបានផុតពូជកាលពី៦៦លានឆ្នាំមុន) នៅតែមាន។ តើនេះគឺជានាគ ឬមួយជា pterodactyl ”។
វីដេអូនេះបានទាក់ទាញមនុស្សចូលមើលរាប់សែននាក់ និងមានមតិជាច្រើនផងដែរ។ មនុស្សជាច្រើនបានសង្ស័យអំពីការពិតរបស់វីដេអូននេះ។
មនុស្សមួយចំនួនអះអាងថា នេះគឺជាវីដេអូក្លែងក្លាយ។ ចំណែកអ្នកខ្លះយល់ថា “សត្វនាគ” នេះ អាចជាយន្តហោះគ្មានមនុស្សបើក។
អ្នកលេងអ៊ីនធឺរណែតឈ្មោះ s6ef4enko បានសរសេរថា “ខ្ញុំបានអានអត្ថបទមួយចំនួននិយាយអំពីវិធីដែលអ្នកវិទ្យាសាស្ដ្រ និងវិស្វកររកឃើញចលនាធម្មជាតិ និងចលនារបស់សត្វ ដូច្នេះ ពួកគេអាចធ្វើឡើងនៅលើកុំព្យូទ័រ”។
ប្រែសម្រួល ៖ តារាប្រភព ៖ Youtube/RT