ព័ត៌មានអន្តរជាតិ ៖ បើយោងតាមការការដកស្រង់អត្តបទផ្សាយ ដែលចេញដោយទីភ្នាក់ងារសារព័ត៌មានបរទេស CNN នាវេលាប៉ុន្មានម៉ោងមុននេះ បានអោយដឹងថា សមាជិកសភាសហរដ្ឋអាមេរិក បានចេញសេចក្តីថ្លែងការណ៍ កាលពីម្សិលមិញថា ក្រុមឧទ្ទាមអាល់កៃដា ដែលមានគ្នា ២ នាក់ ត្រូវបានចាប់ឃាត់ខ្លួន បន្ទាប់ពីពួកគេទាំងពីរនាក់ មានបំណងបើកការវាយប្រហារ ពោលគឺធ្វើសកម្មភាពភារវកម្ម ទៅលើរថភ្លើង ដឹកអ្នកដំណើរមួយ ដែលធ្វើដំណើរពី កាណាដា មកសហរដ្ឋអាមេរិក។
គួររំឭកផងដែរថា ជនជាប់ចោទដែលត្រូវបានចាប់ឃាត់ខ្លួននោះ មានឈ្មោះ Chiheb Esseg-haier វ័យ ៣០ ឆ្នាំ និង Raed Jaser វ័យ ៣៥ ឆ្នាំ ។ លើសពីនេះ ក៏មានការបញ្ជាក់អះអាងពីលោក James Malizia ដែលជាជំនួយការផ្ទាល់មកពីអគ្គស្នងការជាតិ ផងដែរថាបុរសពីរនាក់នោះ ត្រូវបានផ្ទន្ទាទោស និង រង់ការចោទប្រកាន់ពីបទ ទទួលការទំនុកបម្រុងពីក្រុមឧទ្ទាមអាល់កៃដា ដែលមានមូលដ្ឋាននៅក្នុងប្រទេស អ៊ីរ៉ង់ ខណៈពេលដែលពួកគេបម្រុង នឹងធ្វើសកម្មភាពភារវកម្ម ដោយសម្លាប់រង្គាល ប្រជាពលរដ្ឋស្លូតត្រង់ ដែលបានធ្វើដំណើរនៅលើរថភ្លើងមួយ ធ្វើដំណើរពីកាណាដា មកសហរដ្ឋអាមេរិក។
លោក James Malizia
បើទោះជាមានការចោទប្រកាន់ ថាវាគឺជាការទំនុកបម្រុង ពីសំណាក់ក្រុមអាល់កៃដា នៅក្នុងប្រទេសអ៊ីរ៉ង់ តែមិនមានភស្តុតាងណាមួយ គូសបញ្ជាក់អោយដឹងថា វាគឺសកម្មភាពវាយប្រហារ ដែលមានការគាំទ្រពីរដ្ឋនោះទេ លោក James Malizia បញ្ជាក់បន្ថែម៕
ដោយ ៖ ពិសិដ្ឋប្រភព ៖ CNN