Ford សន្យាថា ម៉ូដែលរថយន្ដ C-MAX Hybrid ថ្មីរបស់ក្រុមហ៊ុន នឹងស៊ីប្រេងសាំងត្រឹមតែ ៥លីត្រសម្រាប់រយៈចម្ងាយ ១០០គីឡូម៉ែត្រ នៅក្នុងក្រុង។
ក្រុមហ៊ុនរថយន្ដ Ford បានអោយដឹងថា ម៉ូដែលរថយន្ដ C-MAX Hybrid ថ្មីរបស់ខ្លួន មានកម្រិតស៊ីប្រេងសាំង ជាមធ្យមត្រឹមតែ ៥លីត្រសម្រាប់រយៈចម្ងាយ ១០០គីឡូម៉ែត្រ នៅក្នុងក្រុង និង ៥,៣លីត្រសម្រាប់ការធ្វើដំណើរតាមផ្លូវហាយវ៉េ។
រថយន្ដ Ford C-MAX Hybrid មានតម្លៃ 25.995 USD នៅទីផ្សាយអាមេរិក
ក្រុមហ៊ុនរថយន្ដរបស់អាមេរិកនេះ ថែមទាំងបាននិយាយថា C-MAX Hybrid អាចសំចៃប្រេងសាំងបានច្រើនជាង Toyota Prius V របស់ជប៉ុន។
រថយន្ដ Prius ស៊ីប្រេងសាំងកម្រិត ៥,៣លីត្រក្នុង ១០០គីឡូម៉េត្រ សម្រាប់ផ្លូវក្នុងក្រុង និង ៥,៩លីត្រក្នុងរយៈចម្ងាយ ១០០គីឡូម៉ែត្រ សម្រាប់ផ្លូវហាយវ៉េ ខណៈដែល hybrid របស់ Ford C-MAXមានកម្លាំង ១៨៨សេះ ចំណែក Prius មានត្រឹមតែ ១៣៤សេះ ហើយតម្លៃបែរជាទាបជាង 1.300 USDនៅអាមេរិក។
រថយន្ដ Ford C-MAX Hybrid នឹងមានវត្តមាននៅក្នុងទីផ្សារ នាចុងឆ្នាំនេះ បន្ទាប់មកនឹងបញ្ចេញសេរី hybrid ដែលអាចបញ្ចូលភ្លើងបាន៕
ដោយ ៖ សូរីយ៉ាប្រភព ៖ DT