ឥណ្ឌា ៖ បើយោងទៅតាមសេចក្តីរាយការណ៍ របស់ប្រភពសារព័ត៌មានបរទេស Dailymailដែលបានចេញផ្សាយកាលពីម្សិលមិញនេះ បានអោយដឹងថា ស្រ្តីជនជាតិឥណ្ឌាម្នាក់ បានរត់គេចខ្លួន នឹងបានយកប្រាក់យ៉ាងច្រើនសន្ធឹកសន្ធាប់ទៅជាមួយ ដែលប្រាក់ទាំងនោះជាប្រាក់របស់ស្វាមីរបស់នាង ជាង ១៥ នាក់។
គួរបញ្ជាក់ផងដែរថា បើយោងតាមសម្តីរបស់ក្រុមមន្ត្រីប៉ូលីស ដែលកំពុងតែតាមចាប់ខ្លួននាង បានបញ្ជាក់អោយដឹងថា នាងមានឈ្មោះ Shahanaz មានវ័យ ៣៣ ឆ្នាំ នឹងត្រូវបានរកអោយឃើញថានាងបានរៀបការច្រើនជាង ១០ ដងទៅទៀត នៅក្នុងអំឡុងពីរឆ្នាំចុងក្រោយនេះ ដោយកម្មវិធីរៀបការនាងជាលើកដំបូង ត្រូវបានធ្វើឡើងកាលពី ១១ ឆ្នាំមុន ស្របពេលដែលនាងនៅក្មេងនៅឡើយ
លើសពីនេះទៅទៀត បើយោងតាមរបាយការណ៍ដែលបានមកពី Indian Press បានបញ្ជាក់អោយដឹងថា កាលពីអំឡុងខែមេសា នាងបានរៀបការសាជាថ្មី នឹងបុរសម្នាក់ផ្សេងទៀត ដែលមានឈ្មោះថា លោក Manikandan ។ លុះក្រោយមក មិនបានរយៈពេលប៉ុន្មានផង បុរសជាស្វាមី ក៏បានដាក់ពាក្យបណ្តឹង ដោយបានបញ្ជាក់ថា ស្រ្តីជាភរិយារបស់ខ្លួន បានរត់បាត់នឹងលួចប្រាក់កាស ក៏ដូចជាវត្ថុមានតម្លៃទៅជាមួយផងដែរ។
អ្វីដែលមិនគួរអោយជឿនោះគឺថា ទន្ទឹមនឹងភ្នាក់ងារប៉ូលីសបានតាមដានចាប់ខ្លួនរូបនាង ក៏មានបុរសជាច្រើននាក់ផ្សេងទៀត បានចូលខ្លួនមកអះអាងថា ពួកគេទាំងនោះក៏ធ្លាប់ជាស្វាមីរបស់នាងផងដែរដោយបានបញ្ជាក់ថា នាងក៏ធ្លាប់បានលួចទ្រព្យសម្បត្តិមានតម្លៃរបស់ពួកគេផងដែរ។
ដូច្នេះ តាមការអោយដឹងពីក្រុមមានសមត្តកិច្ចបានអះអាងថា ពួកគេនឹងបន្តតាមចាប់ខ្លួននាងអោយទាល់តែបាន ខណៈពេលដែលពួកគេបានសន្មត់ថា នាងក៏បានជាប់ពាក់ព័ន្ធទៅនឹងអំពើឧក្រិដ្ឋផ្សេងៗផងដែរ៕
ដោយ ៖ រិទ្ធីប្រភព ៖ Dailymail