ព័ត៌មានអន្តរជាតិ ៖ បើយោងតាមសេចក្តីរាយការណ៍ព័ត៌មាន ដែលបានចេញផ្សាយដោយគេហទំព័រសារព័ត៌មានបរទេសដេលីម៉ែល អោយដឹងថា ក្មេងប្រុសវ័យ ១១ ឆ្នាំម្នាក់ត្រូវបានស្លាប់បាត់បង់ជីវិត ដោយសារតែរង់ចាំភ្នាក់ងារសង្រ្គោះបន្ទាន់ ៩១១ ដល់ទៅ ៤០ នាទី បន្ទាប់ពីពួកគេបានបដិសេធថា ម៉ោងនេះគឺជាម៉ោងសំរាកអាហារថ្ងៃត្រង់។
Callum James វ័យ ១១ ឆ្នាំ
គួរបញ្ជាក់ផងដែរថា ក្មេងប្រុសវ័យ ១១ ឆ្នាំរូបនេះ មានឈ្មោះថា Callum James ត្រូវបានម្តាយរបស់គេរកអោយឃើញថា បានព្បួរកទៅនឹងគ្រែពីរជាន់ ។ ភ្លាមៗនោះ កាលដែលឃើញបែបនេះហើយម្តាយរបស់គេ ក៏បានស្ទុះទៅ Call ហៅភ្នាក់ងារសង្គ្រោះបន្ទាន់ ៩១១ ដើម្បីធ្វើការជួយសង្គ្រោះ តែត្រូវបានពួកគេ បានបដិសេធ ដោយបានលើកឡើងថា ម៉ោងនេះ គឺជាម៉ោងសម្រាកអាហារថ្ងៃត្រង់ ហើយអ្នកក៏អាចទាក់ទងទៅកាន់ភ្នាក់ងារសង្រ្គោះអាយុជីវិតបន្ទាន់មួយផ្សេងទៀតដែលមានការិយាល័យនៅជិតជាងពួកខ្ញុំ។
លើសពីនេះទៅទៀត របាយការណ៍ដដែលបានបន្ថែមអោយដឹងផងដែរថា ក្មេងប្រុសវ័យ ១១ឆ្នាំរូបនេះ មានជម្ងឺខួរក្បាលតាំងពីកំណើតមកម្ល៉េះដោយមានការធ្វេសប្រហែសពីសំណាក់ឪពុកម្តាយ គេក៏បានព្យួរកទៅនឹងគ្រែពីរជាន់នៅក្នងបន្ទប់គេងតែម្តង ។ ដោយឡែក បើនិយាយពីការសង្គ្រោះក្មេងប្រុសនេះវិញ ភ្នាក់ងារសង្រ្គោះអាយុជីវិត East Midland Ambulance លោក Blanc-he Lentz បានអោយដឹងថា ពួកគេទទួលបានការផ្តល់ព័ត៌មានបន្តពី ៩១១ អោយទៅសង្រ្គោះខណៈពេលដែលពួកគេមានការិយាល័យនៅជិតជាង ពោលគឺមានចម្ងាយត្រឹមតែ ១៥ ម៉ាយ ពីកន្លែងកើតហេតុ តែបើ ៩១១ ត្រូវចំណាយពេលដល់ទៅ ៣០ នាទីទើបមកដល់កន្លែងកើតហេតុ
តែគួរអោយសោកស្តាយ បើទោះជាមានការអន្តរាគមន៍ពីសំណាក់ East Midland Ambulance ក៏ដោយ រយៈពេល ៤៨ ម៉ោងក្រោយ ក្មេងប្រុសនោះក៏បានស្លាប់បាត់បង់ជីវិតនៅឯមន្ទីរពេទ្យ Sheffield Children's Hospital ៕
ដោយ ៖ រិទ្ធីប្រភព ៖ ដេលីម៉េល