ព័ត៌មានអន្តរជាតិ ៖ តាមការអោយដឹងពីទំព័រសារព័ត៌មានបរទេស BBC ដែលទើបតែបានចេញផ្សាយកាលពីម្សិលមិញនេះ ពោលគឺទើបតែបានរយៈពេលជាង ១០ ម៉ោងមុននេះបានបញ្ជាក់អោយដឹងថា មានគ្រោះរញ្ជូយដីមួយកន្លែង បានកើតឡើងនៅឯប្រទេសភូមា។
គួរបញ្ជាក់ផងដែរថា គ្រោះធម្មជាតិរញ្ជួយដីលើកនេះ មានកំលាំងដល់ទៅ ៦,៨ រ៉ិចទ័រ បានឆក់យក ក៏ដូចជាផ្តាច់សង្ខារពលរដ្ឋស្លូតត្រង់ដល់ទៅ ១២ នាក់ ស្របពេលដែលច្រើននាក់ផ្សេងៗទៀត បានរងរបួស ក្រោយពីវាបានកើតឡើង ចម្ងាយ ១២០ គីឡូម៉ែត្រ ភាគខាងជើងទីក្រុងដ៏ធំលំដាប់ទី២ Mandalay ។
លើសពីនេះទៅទៀត របាយការណ៍ដដែលក៏បានបញ្ជាក់បន្ថែមអោយដឹងផងដែរថា វិទ្យាស្ថានភូមិវិទ្យាអាមេរិក USGS បញ្ជាក់ថា ការរញ្ជួយដីនេះបានកើតឡើងមាន នាវេលាម៉ោង ៧ និង ៤២នាទីព្រឹក (ម៉ោងក្នុងស្រុកប្រទេសភូមា)។ ប្រភពសារព័ត៌មានដដែលនេះ បន្ថែមថា រហូតមកទល់នឹងពេលបច្ចុប្បន្ន មនុស្ស ១២ នាក់ត្រូវបានស្លាប់បាត់បង់ជីវិត ខណៈពេលដែលច្រើននាក់របួស និងបន្តការបាត់ខ្លួននៅឡើយ៕
ដោយ ៖ រិទ្ធីប្រភព ៖ BBC