ក្រុមហ៊ុន Apple អាចនឹងធ្វើការបង្ហាញខ្លួនជាមួយ iPhone ដែលមានរូបរាងធំជាងមុន ជាមួយនឹងពណ៌ខ្ជូតៗជាច្រើន នៅចុងឆ្នាំនេះហើយ។ 9to5Mac បានរាយការណ៍ថា iPhone ដែលមានអេក្រង់ OLED ៦.៥ អ៊ីញ នឹងបង្ហាញខ្លួនជាមួយពណ៌ខ្មៅ ស និងពណ៌មាសដែលប្លែកពីមុន។ ហើយអ្វីដែលពិសេសទៀតនោះគឺ ទូរស័ព្ទ iPhone ទំហំ 6.1 អ៊ីញ ត្រូវបានគេរាយការណ៍ថា នឹងបង្ហាញខ្លួនជាលើកដំបូងដែលមានពណ៌ប្រផេះ ពណ៌ស ពណ៌ខៀវ ក្រហម និងពណ៌ទឹកក្រូច។
ប្រសិនបើពត៌មាននេះត្រឹមត្រូវ នោះក្រុមហ៊ុន Apple នឹងធ្វើការណែនាំយ៉ាងហោចណាស់ ៤ពណ៌ ដែលជាពណ៌ថ្មីនៅលើទីផ្សារ សម្រាប់ឆ្នាំ ២០១៨ ដោយព្រឹត្តិការណ៍នេះអាចជាការចេញម៉ូដែល ទូរស័ព្ទ iPhone របស់ខ្លួនច្រើនខុសពីរៀងរាល់ឆ្នាំ។ គួរបញ្ជាក់ផងដែរថា សព្វដងក្រុមហ៊ុនអេបផល បានបង្ហាញនូវទូរស័ព្ទស៊េរីពណ៌ក្រហម ប៉ុន្មានខែបន្ទាប់ពីលេចរូបរាង iPhone ថ្មីម្តងៗ ដើម្បីផ្សព្វផ្សាយផលិតផល (RED) ដែលជាអង្គការមួយក្នុងការធ្វើយុទ្ធនាការប្រយុទ្ធប្រឆាំងនឹងការផ្ទុក និងកើតជំងឺអេដស៍នៅអាហ្វ្រិក។ ប៉ុន្តែក្រុមហ៊ុន Apple មិនដែលបានរចនា និងបញ្ចេញ iPhone ដែលមានពណ៌ទឹកក្រូចពីមុនមកទេ។ នៅឆ្នាំ ២០១៣ ទូរស័ព្ទ iPhone 5C បានបង្ហាញខ្លួនជាលើកដំបូង ជាមួយនឹងពណ៌បៃតង ពណ៌ខៀវ ពណ៌លឿង ពណ៌ផ្កាឈូក និងពណ៌ស ដោយសារតែការត្រឡប់មកវិញរបស់ polycarbonate តែប៉ុណ្នោះ។
ទូរស័ព្ទ iPhone X Plus ថ្មីអាចនឹងមានអេក្រង់ប្រភេទ OLED ទំហំ ៦.៥ អ៊ីញ ដែលមានស៊ីមពីរ ហើយទូរស័ព្ទ iPhone អេក្រង់ ៦.១ អ៊ីញនឹងមានមុខងារ Face ID ។ Apple ក៏ត្រូវបានគេរំពឹងថា ខ្លួននឹងបន្ថែមនូវលក្ខណៈពិសេសមួយចំនួនទៀតទៅលើ iPhone ដែលមានទំហំ ៥.៨ អ៊ីញ ។
តោះ រងចាំមើលទាំងអស់គ្នា!!!
ប្រភព៖ msn