ព័ត៌មានអន្តរជាតិ ៖ ជួបជាមួយនឹងវីដេអូពិតៗ ស្តែងចេញពីការផ្ទុះឆេះហ្មត់នូវនាវាកំសាន្តរបស់មហាសេដ្ឋី ដែលមានតម្លែដល់ទៅ ៤ សែនដុល្លារ ក្នុងរយៈពេលត្រឹមតែ ១៥ នាទីតែប៉ុណ្ណោះ នេះបើតាមការអោយដឹងពីគេហទំព័រសារព័ត៌មានបរទេស Happening ដែលទើបតែបានចេញផ្សាយកាលពីពេលកន្លងទៅនេះ។
គួរបញ្ជាក់ផងដែរថា នាវាកំសាន្តមួយគ្រឿងនោះជាកម្មសិទិ្ធរបស់មហាសេដ្ឋីឈ្មោះ លោកWard ស្របពេលដែលលោក ក៏ដូចជា មិនភក្កិលោកបានដាក់ពាក្យប្តឹងទៅក្រុមហ៊ុនចែកចាយនាវានោះផ្ទាល់ពោលគឺ MGM Marine Ltd ក្រោយពីបានកើតមានឡើងនូវឧបទ្ទេវហេតុផ្ទុះឆេះដោយមិនដឹងមូលហេតុខណៈពេលដែលពួកគាត់កំពុងតែជិះធ្វើដំណើរកំសាន្ត
ភ្លាមៗនោះ ក៏មានការអន្តរាគមន៍ ពីសំណាក់ក្រុមជួយសង្គ្រោះ ដោយបានបញ្ជូនពួកគាត់ទៅកាន់មន្ទីរពេទ្យ Southampton General Hospital ខណៈពេលដែលពួកគាត់បានទទួលរងរបួសបន្តិចបន្តួច ក្រោយពីបានលោតចូលក្នុងទឹក ដើម្បីជៀសចេញពីមាត់ទ្វារមច្ចុរាជ ប៊ិះនឹងប្រល័យសង្ខារពួកគាត់។
ហើយក៏មានការលាន់មាត់ ពីសំណាក់ក្រុមមន្រ្តីប៉ូលីស ផងដែរថា ពិតជាសំណាងខ្លាំងណាស់ដែលពួកគេអាចនៅរស់រានមានជីវិត ខណៈពេលដែលនៅសុខៗ នាវាកំសាន្តមួយគ្រឿងនោះក៏បានផ្ទុះឆេះ៕