ចិន៖ បើតាមការបង្ហាញពីក្រុមប៉ូលីស ក្រុង Wenling កាលពីដើមសប្ដាហ៍នេះថា បុរសវ័យកណ្ដាលដ៏អភ័ព្វម្នាក់ ត្រូវបានគេកាត់ប្រដាប់ផ្លូវភេទបាត់ (លិង្គ) ខណៈដែលគាត់កុំពុងដេកលក់ក្នុងបន្ទប់គេងរបស់គាត់។ លោក Fei Lin មានវ័យ ៤១ឆ្នាំ រស់នៅក្នុងភូមិ Niqio ប្រទេសចិន ត្រូវបានជនមិនស្គាល់មុខលូចចូលទៅក្នុងផ្ទះគាត់ ហើយបានលួចកាត់ប្រដាប់ភេទគាត់បាត់។ នេះបើតាមសេចក្ដីរាយរបស់ពត៌ក្នុងស្រុក របស់ចិន កាលពីពេលកន្លងទៅថ្មីៗនេះ។
លោក Fei Lin ត្រូវបានគេលួចកាត់ប្រដាប់ភេទបាត់បើតាមការអោយដឹងពីក្រុមប៉ូលីសបានអោយដឹងថា បុរស Fei ប្រហែលជាត្រូវចោរ យកស្បោងដែលមានជាតិថ្នាំសណ្ដប់ម្យ៉ាង មកដាក់ក្ដោបលើមុខគាត់ ពោលគឺធ្វើអោយគាត់ដេកយ៉ាងលង់លក់បំផុត។ ចំពោះលោក Fei Lin វិញគាត់បាននិយាយថា ពេលគាត់ភ្ងាក់ឡើង គឺ គាត់បានឃើញ ឈាមហូរពេញជើងរបស់គាត់ទៅហើយ ភា្លមនោះលិង្គរបស់គាត់ក៏បាត់ផងដែរ។
តាមប្រភពអោយដឹងពីប្រជាពលរដ្ឋ ដែលរស់នៅជិតខាងលោក Lin បានអោយដឹងថា ករណី លួចកាត់ប្រដាប់ភេទលោក Lin គឺប្រហែលមកពីគំនុំ ដែលពីមុនមក លោក Lin តែងតែធា្លប់បានលួចសាហាយស្មន់ ជាមួយប្រពន្ធ កូនគេជាញឹកញាប់។ ទោះបីជាយ៉ាងណាក៏ដោយក៏ក្រុមមន្ដ្រីប៉ូលីសនឹងធ្វើការស្រាវជ្រាវ រកជនដៃដល់អោយឃើញដែរ៕
ដោយ៖ វាសនាប្រភព៖ complex