ព័ត៌មានអន្តរជាតិ ៖ ស្រ្តីវ័យកណ្តាលម្នាក់ ពិតជាមានអារម្មណ៍រន្ធត់ជាខ្លាំង ខណៈពេលដែលលោកស្រី ដឹកដៃកូនស្រីវ័យ ៣ ឆ្នាំរបស់ខ្លួន ស្រាប់តែបានជួបខ្លាកំណាច អង្គុយឆ្ងក់ នៅក្នុងនោះ នេះបើយោងតាមសេចក្តីរាយការណ៍ របស់ទំព័រសារព័ត៌មានបរទេស ស្កាយ ដែលទើបតែបានចេញផ្សាយមុននេះបន្តិច។
គួរបញ្ជាក់ផងដែរថា ស្រ្តីវ័យកណ្តាលរូបនោះ មានឈ្មោះថា Jenna Krehbiel ហើយបើនិយាយពីឧបទ្ទេវហេតុដ៏គួរអោយរន្ធត់មួយនេះ បានកើតឡើងកាលពីថ្ងៃសៅរ៍ ទី ២០ ខែ មេសាកន្លងទៅ នៅក្នុងបន្ទប់ទឹក នាកន្លែងលេងសៀកIsis Shrine Circus រដ្ឋ Kansas ភាគខាងលិចសហរដ្ឋអាមេរិក។
ដោយឡែក បើនិយាយពីមូលហេតុ ដែលបានបណ្តាលអោយខ្លាកំណាចមួយក្បាលនោះ មានទម្ងន់ជាង១១៣ គីឡូក្រាម លេចមុខក្នុងបន្ទប់ទឹកស្រីនោះ គឺបណ្តាលមកពីការធ្វេសប្រហែសដោយបណ្តោយអោយវារួចចេញពីទ្រុង បន្ទាប់ពីសម្តែងរួច នឹងសម្ងំលាក់ខ្លួននៅក្នុងបន្ទប់ទឹកស្រីទៅវិញ។
កាលដែលបានឃើញ ខ្លាកំណាចនៅពីមុខចម្ងាយ មិនដល់មួយម៉ែត្រផងនោះ លោកស្រីរួមទាំងកូនតូច ខំព្យាយាមដើរសន្សឹមៗថយក្រោយ និងរត់គេចខ្លួន ។ យ៉ាងណាមិញ បើយោងតាមសម្តីលោក Chri s Bird ដែលជានាយកគ្រប់គ្រង កន្លែងលេងសៀកនេះផ្ទាល់ បានគូសបញ្ជាក់ថា លោកពិតជាមានសេចក្តីសោមនស្ស ជាខ្លាំង ខណៈពេលដែលគ្មាននរណាបានទទួលរងគ្រោះ ដោយសារតែការធ្វេសប្រហែលលើកនេះ៕
ដោយ ៖ ពិសិដ្ឋប្រភព ៖ ស្កាយ