ចាប់ខ្លួនស្រ្តីម្នាក់ ក៏ព្រោះរកឃើញគ្រឿងញៀន និងកាំភ្លើងខ្លី លាក់ក្នុងប្រដាប់ភេទ

ព័ត៌មានអន្តរជាតិ ៖​ ស្រ្តីម្នាក់ត្រូវបានចាប់ឃាត់ខ្លួន ខណៈត្រូវបានរកអោយឃើញថា ក្នុងឡានរបស់នាងមានគ្រឿងញៀន ហើយអ្វីដែលលើសពីនេះនោះគឺថា បន្ទាប់ពីមានការឆែកឆេរបន្តែមពីសំណាក់ក្រុមមន្ត្រីប៉ូលីសជាស្ត្រី  ក៏បានរកឃើញប្រភេទកាំភ្លើងខ្លីម្យ៉ាង  ដែលអោយឈ្មោះថាRevolver    លាក់នៅក្នុងប្រដាប់ភេទនាងទៅវិញ  នេះបើតាមការអោយដឹងពីគេហទំព័រសារព័ត៌មានបរទេស thesmokinggun ដែលទើបតែបានចេញផ្សាយកាលពីថ្ងៃទី៦ មីនាកន្លងទៅ។

គួរបញ្ជាក់ផងដែរថា ស្រ្តីដែលជាជនរងគ្រោះរូបនោះ មានឈ្មោះថា Christie Dawn Harris វ័យ២៨ ឆ្នាំ ជាពលរដ្ឋរស់នៅក្នុងរដ្ឋ  Oklahoma សហរដ្ឋអាមេរិក  ។  លើសពីនេះទៅទៀត ប្រភពដដែលបានបន្ថែមថា  នាងត្រូវបានចាប់ឃាត់ខ្លួន   កាលពីថ្ងៃច័ន្ទ វេលាម៉ោង ៣ និង ៤៥ នាទីទាបភ្លឺ   នៅឯចំណតឡាន  ជិតភោជនីយដ្ឋានមួយកន្លែង  បន្ទាប់ពីត្រូវបានរកឃើញសារធាតុញៀននៅក្នុងរថយន្ត ពីសំណាក់ឆ្កែហិតក្លិន។

ដោយឡែក មកទល់នឹងពេលនេះ សំណុំរឿងរបស់ស្រ្តីរូបនេះ  ត្រូវបានបញ្ជូនទៅកាន់តុលាការ ហើយការផ្តន្ទាទោស នឹងត្រូវបានធ្វើឡើងទៅតាមផ្លូវច្បាប់របស់ប្រទេសនេះ៕

ដោយ ៖ ពិសិដ្ឋប្រភព ៖ thesmokinggun