អង់គ្លេស៖ តាមការអោយដឹងពីគេហទំពរ័ដេលីមែល កាលពីថ្ងៃទី ០៦ វិចិ្ឆកា ម្សិលមិញនេះថា ទូគ្រឿងអលង្ការនៅផ្សារទំនើបមួយកន្លែង ត្រូវបានក្រុមចោរប្រដាប់ដោយដែកទីប និងពូថៅបានវាយបំបែកប្រមូលមាសពេជ្រអស់ រូចក៏ជិះម៉ូតូចេញបាត់ទៅ។ប្រភពដដែលបានអោយដឹងថា សកម្មភាពចោរប្លន់នេះ បានកើតឡើងនៅវេលាម៉ោង ១០និង១៥ នាទីព្រឹក នៅឯមជ្ឍមណ្ឌលផ្សារ Brent Cross ភាគខាងជើងទីក្រុង London ប្រទេសអង់គ្លេស។ សាក្សីដែលនៅកន្លែងកើតហេតុ បានអោយដឹងថា ក្រុមចោរប្លន់ គឺមានគ្នា ០៦នាក់ ប្រដាប់ដោយដែកទីប ពូថៅ ព្រមទាំងពាក់មួកសុវត្ថិភាព ជិះសុទតែម៉ូតូធំៗ និងមានបិទមុខទៀតផង។
ទោះបីជាយ៉ាងណាក៏ដោយ ក៏គេនៅមិនទាន់ដឹងពីការបាត់បង់ នូវរបស់របស់មានតម្លៃប៉ុន្មានពីក្នុងហាងនោះដែរ។ គឺគ្រាន់តែបានប្ដឹងទៅក្រុមប៉ូលីស ដើម្បីធ្វើការស្រាវជ្រាវរកមុខជន់ដៃដល់។
ដោយ៖ រក្សាប្រភព៖ dailymail