ថ្មីៗនេះ ក្រុមហ៊ុន Acer ទើបតែបានឧទ្ទេសនាមស្មាតហ្វូនតម្លៃទាបរបស់ខ្លួន នោះគឺ Liquid Z410 ដំណើរការដោយប្រព័ន្ទប្រតិបត្តិ Android ហើយតាមគម្រោង វានឹងបង្ហាញខ្លួននៅក្នុងព្រឹត្តិការណ៍ CES 2015។
Acer Liquid Z410 គឺជាឈ្មោះពេញរបស់ស្មាតហ្វូនខាងលើនេះ ដែលវាមានអេក្រង់ ៤,៥អ៊ិន្ឈ៍ qHD 540x960 pixel ប្រើប្រូសេសឺរ MediaTek MT6732 កម្រិត 64-bit ។ Acer Liquid Z410 ប្រើកាតក្រាហ្វិក ARM Mali-T760 និងមានប្រព័ន្ធ LTE Category 4 ។ ទន្ទឹមនឹងនេះ ស្មាតហ្វូននេះ ក៏បំពាក់កាមេរ៉ាក្រោយ ៥មេហ្គាភិចសេសល រួមនឹងភ្លើង flashLED ចំណែកកាមេរ៉ាមុខ ២មេហ្គាភិចសេល។
Acer Liquid Z410 ក៏ត្រូវបានបំពាក់ប្រដាប់បំពងសម្លេងកាមេរ៉ាមុខ តាមបច្ចេកវិទ្យាសម្លេងរបស់ DTS Studio និងអាចហៅចេញចូល បានដល់ទៅ ជិត ៦ម៉ោង និងដំណើរការដោយមិនមានការហៅចេញចូល រយៈពេល ៤០០ម៉ោង។ យោងតាម Phonearena ស្មាតហ្វូននេះ នឹងត្រូវបានដាក់លក់ក្នុងតម្លៃ ១២៩អឺរ៉ូ ប្រហែល ១៥៥ដុល្លារអាមេរិក (៦៣០.០០០រៀល)។
តាមគម្រោងការ Acer Liquid Z410 នឹងមានវត្តមាននៅក្នុងព្រឹត្តិការណ៍ CES 2015 ដែលនឹងប្រារព្ធឡើងនៅ Las Vegas នាថ្ងៃស្អែក។ Acer Liquid Z410 ក៏នឹងត្រូវបានដាក់លក់ជាដំបូង នាចុងខែកុម្ភៈ នៅអឺរ៉ុប មជ្ឈឹមបូព៌ា និងអាហ្វ្រិក មុនពេលបង្ហាញខ្លួនលើទីផ្សារផ្សេងៗក្នុងពិភពលោក៕
ប្រែសម្រួលដោយ ៖ តារាប្រភព ៖ Phonearena/ Gsmarena