អន្តរជាតិ ៖ តាមការអោយដឹង ក៏ដូចជា ការបញ្ជាក់អះអាងពីអង្គការសុខភាពពិភពលោក (WH O) ដែលបានចេញផ្សាយ នៅលើគេហទំព័រសារព័ត៌មានបរទេស ABC នាពេលកន្លងទៅបាន អោយដឹងថា មេរោគដ៏កម្រមួយ ដែលឆ្លងតាមទឹក នឹងអោយឈ្មោះថា មេរោគស៊ីខួរក្បាលមនុ ស្ស បានសម្លាប់មនុស្ស ១០ នាក់ហើយមកទល់បច្ចុប្បន្ននេះ។
មន្រ្តីសុខាភិបាលលោក សាគីល ម៉ាលីកបាននិយាយថា មេរោគស៊ីខួរក្បាលនេះ បានធ្វើឲ្យមនុ ស្ស១០នាក់ស្លាប់ក្នុងពេល ៤ ខែ ។ លោក បានបញ្ជាក់ថា ពីមុនមានករណីជាច្រើនប៉ុន្តែតិចតួច ណាស់ដែលចំនួនលម្អិត ត្រូវបានគេកត់ត្រាទុក ។ អ្នកជំនាញខាងជំងឺឆ្លង លោក ហ្វៃសាល់ម៉ះ មូដបាននិយាយថា មេរោគនេះបានបង្កឲ្យមានជំងឺរលាកស្រោមខួរដំណាក់កាលដំបូង ជាជំងឺ ដែលមានអត្រាស្លាប់៩០ភាគរយ ។
រោគសញ្ញានៃមេរោគនេះ មាន គ្រុនក្តៅ ឆ្អើម ក្អូតចង្អោរ រួយ ក និងឈឺក្បាល។មេរោគ Naegle- riafowleri រស់នៅក្នុងទឹកកខ្វក់ក្តៅឧណ្ហៗ ហើយតាមធម្មតាឆ្លងទៅមនុស្សនៅពេលដែលទឹកកខ្វ ក់ចូលក្នុងខ្លួន មនុស្សតាមច្រមុះ។ មេរោគនេះ បានឆ្លងកាត់ភ្នាសច្រមុះទៅកាន់ខួរក្បាល ហើយ បំផ្លាញជាលិកាស្រោមខួរក្បាល។
អង្គការសុខភាពពិភពលោក (WHO ) ក៏កំពុងតែធ្វើការជាមួយក្រុមមន្រ្តីប៉ាគីស្ថាន ដើម្បីស៊ើប អង្កេតករណី ទាំងនេះ និងរកអោយឃើញវិធានការដើម្បីទប់ស្កាត់ការឆ្លងបន្ថែមទៀត។
លើសពីនេះទៅទៀត របាយការណ៍ដដែលបានបន្ថែមអោយដឹងផងដែរថា ប្រជាពលរដ្ឋនឹងមិន អាចឆ្លងជម្ងឺដ៏កាចសាហាវមួយនេះ បានទេ ប្រសិនណា ពួកគេមានការប្រុងប្រយ័ត្នខ្ពស់ក្នុងការ រស់នៅ ពោលគឺ ការផឹកទឹកស្អាត ក៏ដូចជា មិនត្រូវមុជទឹកជាមួយនឹងទឹកកខ្វក់ជាដើម៕
ដោយ ៖ រិទ្ធី ប្រភព ៖ abcnews