ព័ត៌មានអន្តរជាតិ ៖ បើយោងតាមសេចក្តីរាយការណ៍របស់គេហទំព័រសារព័ត៌មានបរទេសស្កាយ ដែលទើបតែបានចេញផ្សាយ កាលពីប៉ុន្មានម៉ោងមុននេះ បានគូសបញ្ជាក់អោយដឹងថា នៅឯ សហរដ្ឋអាមេរិក ឯណោះវិញ យ៉ាងហោចណាស់ មនុស្ស ៦ នាក់ បានស្លាប់បាត់បង់ជីវិត បន្ទាប់ពីជួបគ្រោះធម្មជាតិ ព្បុះ Tornado បោកបក់មកលើរដ្ឋ Texas របស់ប្រទេសនេះ។
គួរបញ្ជាក់ផងដែរថា គ្រោះធម្មជាតិលើកនេះ មិនត្រឹមតែបានបណ្តាលអោយមនុស្សស្លាប់ប៉ុណ្ណោះទេ តែក៏បានធ្វើអោយមនុស្សជាង ១០០ នាក់ផ្សេងទៀត បានទទួលរងរបួសធ្ងន់និងស្រាល ខណៈពេលដែលបានធ្វើអោយផ្ទះរាប់រយខ្នង បានរងនូវការខូចខាតអស់ជាច្រើនផងដែរ។
លើសពីនេះ ប្រភពសារព័ត៌មានដដែលបន្ថែមថា ទីក្រុងដែលរងផលប៉ះពាល់ខ្លាំងជាងគេនោះគឺ ទីក្រុង Grabury ដែលមានប្រជាពលរដ្ឋទាំងអស់សរុបចំនួនជាង ៨០០០ នាក់ ។បើយោងតាមសម្តីមន្រ្តីផ្លូវការ លោក Roger Deeds បានអោយដឹងថា មនុស្សជាង ៥០នាក់ ត្រូវបានបញ្ជូនទៅកាន់មន្ទីរពេទ្យក្នុងស្រុក ដើម្បីធ្វើការសង្គ្រោះបន្ទាន់ ដោយឡែកបើនិយាយពីចំនួននៃអ្នកបាត់បង់ជីវិត អាចនឹងបន្តកើតឡើង ដែលករណីនេះ គឺជាការព្រូយបារម្ភ របស់អាជ្ញាធរមូលដ្ឋាន តែក្រុមមន្រ្តីជំនាញ ក៏ដូចជា ភ្នាក់ងារមានសមត្តកិច្ចក៏កំពុងចេញប្រតិបត្តិការជួយសង្គ្រោះរបស់ខ្លួន ដើម្បីធានាអោយបានថា ចំនួនអ្នកជនរងគ្រោះអាចកាត់បន្ថយតាមដែលអាចធ្វើទៅបាន៕
ដោយ ៖ រិទ្ធីប្រភព ៖ ស្កាយ