ព័ត៌មានអន្តរជាតិ ៖ បើយោងតាមសេចក្តីរាយការណ៍ព័ត៌មាន ពីគេហទំព័រ Happeningដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា ក្មេងបុ្រសសិស្សសាលាវ័យទើបតែ ១១ ឆ្នាំ ជនជាតិអេស្ប៉ាញមា្នក់ ត្រូវបានរកអោយឃើញថា បានបោកប្រាស់ឪពុកម្តាយរបស់ខ្លួន ដោយធ្វើ់ជា គេត្រូវបានចាប់ជំរិត ក្លែងក្លាយ ក៏ព្រោះតែចង់គិចវេះពីការជួបជុំពេលល្ងាច រវាងលោកគ្រូអ្នកគ្រូ និងអាណាព្យាបាល ស្តីពីការពិភិក្សាទៅលើការសិក្សារបស់កូន។
ស្របពេលដែលការសិក្សាមិនភាពរីកចំរើន និងមិនចង់អោយឪពុកម្តាយរបស់ខ្លួនដឹងនោះ ក្មេងបុ្រសសិស្សសាលាវ័យទើបតែ ១១ ឆ្នាំ ជនជាតិអេស្ប៉ាញមិនទាន់បញ្ជាក់ឈ្មោះនោះ ក៏បែងឆ្វេងរកឃើញគំនិតមិនគប្បីពោលគឺការជំរិតក្លែងក្លាយដោយគេបានរត់ទៅពួនផ្ទះល្វែងមួយផ្សេងទៀត ជាកម្មសិទ្ធរបស់ក្រុមគ្រួសារនេះ រួច call ទៅឪពុករបស់ខ្លួនថា គេត្រូវបានចាប់ជំរិតហើយ។
កាលដែលបានដឹងថា សោរផ្ទះល្វែងមួយផ្សេងទៀត ជាកម្មសិទ្ធរបស់ក្រុមគ្រួសារនេះ បានបាត់ហើយនោះ ពួកគេក៏បាននាំគ្នាទៅឆែកឆេរនៅទីនោះ ទើបបានដឹងថា អាកំហូចតូចវ័យ១១ ឆ្នាំ បានរត់ទៅពួននៅទីនោះ ជាជាងការមកជួបជុំពេលល្ងាចរវាងមាតាបិតានិងលោកគ្រូអ្នកគ្រូ៕
ដោយ ៖ ពិសីប្រភព៖ Happeing