ព័ត៌មានអន្តរជាតិ ៖ យោងតាមសេចក្តីរាយការណ៍របស់ទំព័រសារព័ត៌មានបរទេស ដែលទើបតែបានចេញផ្សាយកាលពីពេលកន្លងទៅនេះ បានអោយដឹងថា ចិនបានដាក់ដំណើរការនូវខ្សែរថភ្លើងជាលើកដំបូងរបស់ខ្លួន ក្នុងការរត់កាត់ផ្លូវទឹកវែងបំផុតនៅប្រទេសនេះ។
គួរបញ្ជាក់ផងដែរថា ការដាក់អោយដំណើរការនូវខ្សែរថភ្លើងជាលើកដំបូងរបស់ខ្លួន ក្នុងការរត់កាត់ផ្លូវទឹកវែងបំផុតនៅប្រទេសនេះ គឺវារត់កាត់ទន្លេ Yangtze ស្របពេលដែលបានចំណាយថវិកាដល់ទៅ ២ ,៣៧ ពាន់លានដុល្លារឯណោះ ក្នុងការកសាងផ្លូវដែកមួយនេះ ដោយធ្វើការភ្ជាប់ពីតំបន់ Wuchang ទៅតំបន់ Hankou ។
គួររំឭកផងដែរថា ទន្លេ Yangtze គឺជាទន្លេវែងបំផុតនៅអាស៊ីនិងជាទន្លេវែងជាគេបំផុតលំដាប់ទី៣ នៅលើពិភពលោក។
ផែនទីទន្លេ Yangtze វែងបំផុតនៅអាស៊ី មានទីតាំងស្តិតនៅក្នុងប្រទេសចិន
លើសពីនេះទៅទៀត ប្រភពដដែលបន្ថែមថា ការដាក់ដំណើរការនូវខ្សែរថភ្លើងរត់ឆ្លfងកាត់ផ្លូវទឹកដ៏វែងជាងគេលើកនេះ វាគឺជាភាពងាយស្រួលមួយ ក្នុងការឆ្លងកាត់ទន្លេមួយនេះ ដោយចំណាយពេលត្រឹមតែ ៣ នាទីតែប៉ុណ្ណោះ ស្របពេលដែលចរាចរណ៍ក៏ត្រូវបានបញ្ជៀសមិនអោយមានភាពកកស្ទះ នៅលើស្ពានដូចកាលពីមុននោះទេ ខណៈពេលដែល វានឹងដើរតួយ៉ាងសំខាន់ក្នុងការដឹកជញ្ជូនអ្នកដំណើរយ៉ាងហោចណាស់ ៥០០,០០ នាក់ក្នុងមួយថ្ងៃៗ៕
ដោយ ៖ រិទ្ធីប្រភព ៖ Chinadaily