ព័ត៌មានអន្តរជាតិ ៖ និស្សិតឆ្នាំទី ១ ម្នាក់ មកពីសកលវិទ្យាបុរាណវត្ថុ នៃចក្រភពអង់គ្លេសDurham University មានឈ្មោះថា Alex Kirton បានជីករកឃើញក្បាលព្រះ Romanដែលមានអាយុកាលដល់ទៅ ១,៨០០ ឆ្នាំ នៅឯកន្លែងចាក់សំរាមបុរាណមួយកន្លែង នេះបើយោងតាមការដកស្រង់ អត្ថបទផ្សាយពីគេហទំព័រសារព័ត៌មានបរទេស ដឹមីរ័រ ដែលទើបតែបានចេញផ្សាយ កាលពីប៉ុន្មានម៉ោងមុននេះ។
ក្បាលព្រះ Roman ដែលមានអាយុកាលដល់ទៅ ១,៨០០ ឆ្នាំ
យ៉ាងណាមិញ បើតាមប្រភពសារព័ត៌មានដដែលបន្ថែមថា ក្បាលព្រះ Roman មួយនោះត្រូវបានសន្មត់ថា ធ្វើឡើងអំពីថ្មភក់ និងមានវត្តមានចាប់តាំងពីសតវត្សទី ២ ទី ៣ នៃគ.សដោយឡែក បើយោងតាមសម្តីនិស្សិតឆ្នាំទី ១ វ័យ ១៩ ឆ្នាំរូបនោះអោយដឹងថា ៖ គាត់ពិតជាមានភាពភ្ញាក់ផ្អើលជាខ្លាំង នៅពេលដែលបានរកឃើញក្បាលព្រះ Roman មួយនេះ ខណៈពេលដែល វាជាលើកទី ២ ក្នុងការចេញប្រតិបត្តិកា រជីករុករកស្រាវជ្រាវ វត្ថុបុរាណរបស់ខ្លួន។
និស្សិតឆ្នាំទី ១ ឈ្មោះ Alex Kirton វ័យ ១៩ ឆ្នាំ
គួរបញ្ជាក់ផងដែរថា ក្បាលព្រះ Roman មួយនេះត្រូវបាននិស្សិតឆ្នាំទី ១ រូបនេះរកឃើញនៅឯកន្លែងចាក់សំរាមបុរាណរបស់ Roman មួយកន្លែងដែលមានទីតាំងនៅ Binchester Roman Fort ជិត Bishop Auckland, Co Durham ប្រទេសអង់គ្លេស៕
ទីតាំង ដែលបានជីករកឃើញ ក្បាលព្រះ Roman មួយនោះ
ដោយ ៖ រិទ្ធីប្រភព ៖ ដឹមីរ័រ