រន្ធត់ ភូមិមួយរបស់ប្រទេសចិន ប្រឈមនឹងការស្រុតបាក់ ខណៈឆ្នាំ ២០៩០ នឹងបាត់ខ្លួន ពីភពផែនដី

ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស  CNN កាលពីពេលកន្លងទៅនេះ បានគូសបញ្ជាក់អោយដឹងថា ប្រជាពលរដ្ឋ រស់នៅក្នុងភូមិ Jining ខេត្ត Shandong ភាគអាគ្នេយ៍ប្រទេសចិន កំពុងតែមានភាពភិតភ័យជាខ្លាំង ស្របពេលដែលផ្ទះមួយចំនួនរបស់ប្រជាជននៅក្នុងភូមិមួយនេះ បានបាក់ស្រុតរួចទៅហើយកាលពីពេលកន្លងទៅ ក៏ព្រោះតែតំបន់នេះផ្ទាល់គឺជា តំបន់រុករករ៉ែធ្យូងថ្មដ៏ពេញនិយមមួយ។

ជាការពិត លោក Xiao Guoqiang ជាពលរដ្ឋម្នាក់រស់នៅក្នុងភូមិមួយនេះ បានគូសបញ្ជាក់អោយដឹងថា  លោកពិតជាមិននឹកស្មានដល់នោះទេ  ថាសុបិន្តអាក្រក់មួយនេះពិតជាបានឆាប់កើនឡើងយ៉ាងណានោះ   ពោលគឺផ្ទះរបស់លោក  ក៏ត្រូវបានស្រុតបាក់ជាបន្តបន្ទាប់ចូលទៅក្នុងដី   ដូចទៅនឹងផ្ទះប្រជាជនមួយចំនួន  ដែលបានកើតឡើងកាលពីពេលកន្លងមក។

យ៉ាងណាមិញ  ប្រភពសារព័ត៌មានដដែលបន្ថែមថា កត្តាមួយនេះ ​  គឺជាបញ្ហាចម្បងរបស់រដ្ឋាភិបាលក្នុងការដោះស្រាយ  ក្នុងនោះរួមមានដូចជា ត្រូវតែរកទីទួលសុវត្ថិភាពជូនប្រជាពលរដ្ឋ ខណៈដែលជនអន្តោប្រវេសន៍ធ្វើការភៀសខ្លួនអស់ជាច្រើនទៅភូមិក្បែរនោះ។

ជាការពិត    ភូមិមួយនេះ  ពិតជាដើរតួយ៉ាងសំខាន់ ក្នុងការរ៉ុករ៉ែធ្បូងថ្ម ក៏ដូចជា ទាញថាមពលអគ្គីសនី ដើម្បីបម្រើដល់ផលប្រយោជន៍ជាតិ  ។ តែផ្ទុយទៅវិញ បើតាមការអោយដឹងពីក្រសួងដែនដីប្រចាំភូមិនេះផ្ទាល់អោយដឹងថា  នៅក្នុងឆ្នាំ  ២០៩០ បើតាមការព្យាករណ៍១/៣ នៃផ្ទៃដីភូមិនេះ នឹងត្រូវបាក់ស្រុត (មានទំហំផ្ទៃដីស្មើនឹងទីក្រុង Los Angeles)ខណៈពេលដែលក្រុមប្រជាពលរដ្ឋ ប្រមាណជាង ៥ លាននាក់ ប្រឈមនឹងការបាត់បង់ទីជម្រករបស់ខ្លួន៕

ដោយ ៖ ពិសិដ្ឋប្រភព ៖​ CNN