កូនប្រុសអតីត នាយករដ្ឋមន្រ្តីប៉ាគីស្ថាន ត្រូវបានចាប់ជំរិត ខណៈបាញ់សម្លាប់ មនុស្ស ២ នាក់

ប៉ាគីស្ថាន ៖ បើយោងតាមការដកស្រង់អត្ថបទផ្សាយ របស់គេហទំព័រសារព័ត៌មានបរទេស CNN ដែលទើបតែបានចេញកាលពីប៉ុន្មានម៉ោងមុននេះ អោយដឹងថា កូនប្រុសនៃអតីតនា យករដ្ឋមន្រ្តីប៉ាគីស្ថានម្នាក់    ត្រូវបានចាប់ជំរិត  កាលពីថ្ងៃព្រហស្បតិ៍  នៅក្នុងការវាយឆ្មក់ សម្លាប់    ពីរថ្ងៃមុនពេលដែលកូនប្រុសរូបនេះ  ត្រូវឈរសម្រាប់ការបោះឆ្នោតការជួបប្រជុំ ថ្នាក់ខេត្ត នេះបើយោងតាមសម្តីបងប្អូនប្រុសរបស់ជនរងគ្រោះ។

បុរសពីរនាក់  ប្រដាប់ទៅដោយកាំភ្លើង  ស្ថិតនៅក្នុងរថយន្តមួយគ្រឿង  បានបើកការវាយ ប្រហារដោយបានសម្លាប់មនុស្សពីរនាក់    ខណៈ ៨  នាក់ផ្សេងទៀត បានរងរបួស អំឡុង ពេលនៃការធ្វើសកម្មភាពចាប់ជំរិត     កូនប្រុសនៃអតីតនាយករដ្ឋមន្រ្តីប៉ាគីស្ថាន  នៅក្នុង ខេត្ត Punjab ប្រទេសប៉ាគីស្ថាន  លោក  Ali Qasim  Gilani បងប្អូនប្រុសជនរងគ្រោះបាន ប្រាប់ដល់ទំព័រសារព័ត៌មាន ។

                      លោកអតីតនាយករដ្ឋមន្រ្តីប៉ាគីស្ថាន Yousuf Raza Gilani

គួររំឭកផងដែរថា លោក Ali Haider Gilani គឺជាកូនប្រុសនៃអតីតនាយករដ្ឋមន្រ្តីប៉ាគីស្ថាន Yousuf Raza Gilani ហើយគាត់ត្រូវបានបើកការវាយប្រហារដោយធ្វើការចាប់ជំរិត ខណៈពេលដែលកំពុងតែធ្វើដំណើរ    ដើម្បីទៅចូលរួមកិច្ចប្រជុំជាសាធារណៈនៅទីក្រុង Multan នេះបើយោងតាមសម្តីមន្រ្តីជាន់ខ្ពស់ លោក Khurram Shakur ។

                     Ali Haider Gilani កូនប្រុសនៃអតីតនាយករដ្ឋមន្រ្តីប៉ាគីស្ថាន

លោកនាយករដ្ឋមន្រ្តីកាន់អំណាច Mir Hazar Khan Khoso បានកោះហៅជាបន្ទាន់អោយមានការតាមដានស៊ើបអង្កេតជាពិសេស  ដើម្បីតាមរកអោយឃើញវិញ កូនប្រុសនៃអតីតនាយករដ្ឋមន្រ្តីប៉ាគីស្ថានរូបនេះ  ខណៈពេលដែលគាត់ត្រូវបានចាប់ជំរិតមួយថ្ងៃមុនពេលធ្វើការបោះឆ្នោត។

យ៉ាងណាមិញ   ប្រភពសារព័ត៌មានដដែលបន្ថែមថា  នៅថ្ងៃសៅរ៍ខាងមុខនេះ នឹងមានការបោះឆ្នោតទូទាំងប្រទេសដែលវាគឺជាការបោះឆ្នោតវិលទៅរកប្រជាធិបតេយ្យជាលើកដំបូង គណបក្សប្រជាជនប៉ាគីស្ថានរបស់រដ្ឋាភិបាលបានត្រៀមខ្លួនរួចជាស្រេចដើម្បីក្លាយជារដ្ឋាភិបាលស៊ីវិលលើកដំបូង ក្នុងអណត្តិ ៥ ឆ្នាំពេញលើកនេះ៕

ដោយ ៖ រិទ្ធីប្រភព ៖ CNN