អន្តរជាតិ ៖ តាមការអោយដឹងពីគេហទំព័រសារព័ត៌មានបរទេស ដែលទើបតែបានចេញផ្សាយនាពេលកន្លងទៅ បានបញ្ជាក់អោយដឹងថា មានប្តី-ប្រពន្ធមួយគូត្រូវបានរកអោយឃើញថា បានក្លាស្សេសាកសពកូនប្រុសជាទីស្រឡាញ់របស់ខ្លួននៅក្នុងទូទឹកកកដល់ទៅ ៦ ឆ្នាំ។
គួរបញ្ជាក់ផងដែរថា ឪពុករូបនោះមានឈ្មោះថា Tian Xueming ជាពលរដ្ឋរស់នៅក្នុងភូមិ Huan-gling ក្រុង Chongqing ប្រទេសចិន ហើយត្រូវបានរកអោយឃើញថា គាត់រួមនឹងភរិយា បានក្លាស្សេសាកសពកូនប្រុសរបស់ខ្លួននៅក្នុងទូទឹកកក ដែលបានស្លាប់កាលពីអំឡុងឆ្នាំ២០០៦ ដោយសារតែជម្ងឺមហារីកឈាម។
ដោយហេតុតែស្រឡាញ់ កូនប្រុសរបស់ខ្លួនពេក ពួកគេមិនបានយកសាកសពគេទៅបញ្ជុះ ឬក៏ប្រារព្ធពិធីបុណ្យសព ទៅតាមទំនៀមទំលាប់ប្រពៃណីនោះទេ តែពួកគេបែរជាបែកគំនិត ដោយយកសាកសពកូនប្រុសជាទីស្រឡាញ់រូបនោះ មកក្លាស្សេនៅក្នុងទូទឹកកកទៅវិញ ស្របពេលដែលពួកគាត់នឹងមកបើកទូទឹកកកនេះមើលគេ នៅពេលណា ដែលនឹកកូនប្រុសជាទីស្រឡាញ់រូបនេះម្តងៗ៕
ដោយ ៖ រិទ្ធីប្រភព ៖ chinasmack