ព័ត៌មានអន្តរជាតិ ៖ បើតាមការដកស្រង់ព័ត៌មាន ពីទំព័របរទេស អាស៊ីវ័ន ដែលទើបតែបានចេញផ្សាយបញ្ជាក់អោយដឹងថា បុរសជាស្វាមី ត្រូវដាស់ភរិយារបស់ខ្លួន រៀងរាល់ ៤០ នាទីម្តង បើមិនដូច្នេះទេ នាងប្រាកដជាស្លាប់ជាក់ជាមិនខាន។
គួរបញ្ជាក់ផងដែរថា ស្រ្តីជាភរិយាមានឈ្មោះ Liu Qiang បានជួបឧបទ្ទេវហេតុកាលពីពីរឆ្នាំមុន ដោយមានការប៉ះទង្គិចជាខ្លាំងនឹងក្បាល នឹងបានបណ្តាលអោយនាងមានសតិអារម្មណ៍ដូចទៅនឹងក្មេងអាយុមួយឆ្នាំផងដែរ។
បើតាមសម្តីក្រុមវេជ្ជបណ្ឌិត បានបញ្ជាក់អោយដឹងថា នាងអាចនឹងស្លាប់បាត់បង់ជីវិត បើសិនណា នៅពេលនាងគេងលើសពីមួយម៉ោង។ករណីនេះហើយដែលបានធ្វើអោយលោកZeng Guoqing ត្រូវជាស្វាមី ខិតខំរកប្រាក់ពីមួយថ្ងៃទៅមួយថ្ងៃ ដើម្បីធ្វើការវះកាត់ជម្ងឺរបស់នាង ស្របពេលដែលគាត់មានតួនាទីជាចាំបាច់ ក្នុងការដាស់ភរិយារបស់ខ្លួនរាល់៤០ នាទីម្តង ដើម្បីបង្ការកុំអោយនាងស្លាប់បាត់បង់ជីវិត។
គួររំឭកផងដែរថា រឿងហេតុគូស្នេហ៍ខាងលើនេះហើយ បានធ្វើអោយប្រជាពលរដ្ឋចិនពិតជាទទួលស្គាល់ថា លើលោកនេះស្នេហ៍ស្មោះពិតជាមាន៕
ដោយ ៖ រិទ្ធីប្រភព ៖ អាស៊ីវ័ន