ទូរស័ព្ទមួយទឹកនៅក្នុងទីផ្សារប្រទេសកម្ពុជា ជាធម្មតាគឺមកពីប្រទេសចិន អាមេរិក កូរ៉េ ឬជប៉ុន ជាដើម។តែអ្វីដែលគួរឲ្យចាប់អារម្មណ៍នោះគឺ ទូរស័ព្ទស្មាតហ្វូន ដែលនាំចូលពីប្រទេស កូរ៉េ និងជប៉ុន គឺពុំអាចបិទសម្លេងបានឡើយ នៅពេលដែលអ្នកថតរូប ឬវីដេអូ។ លុះត្រាតែអ្នកលុប Softwareទាំងនោះ ហើយបញ្ជូលថ្មី ទើបអាចបិទសម្លេងកាមេរ៉ាបាន។ សម្លេងទាំងនោះពិតជាគួរឲ្យធុញ ពេលដែលអ្នកចង់ថតរូប ឬ Screenshot រូបថតជាដើម។
តើអ្វីដែលជាមូលហេតុ នៃការមិនឲ្យបិទសម្លេងរាល់ពេលថតរូប នៅក្នុងប្រទេសទាំងនោះ?
ការដែលមិនអាចបិទសម្លេងរាល់ពេលថតរូប គឺដើម្បីការពារការរំលោភបំពានសិទ្ធឯកជន ដូចជាការលួចថត ជាពិសេសគឺការលួចថត ក្រោមសំពត់នារីៗ នៅកន្លែងដែលមានមនុស្សច្រើន ដូចជាកំពុងជិះរថភ្លើង។ ការបិទសម្លេងបែបនេះ គឺបានការពារការប្រើប្រាស់ស្មាតហ្វូន ក្នុងផ្លូវអាក្រក់ ដែលប៉ះពាល់ដល់សាធារណជន។ នៅក្នុងប្រទេសជប៉ុន និងកូរ៉េ អ្នកពុំអាចថតរូបនរណាម្នាក់ ហើយបង្ហោះវាទៅក្នុងបណ្តាញសង្គម ដោយគ្មានការអនុញ្ញាតិនោះទេ ព្រោះវាបានរំលោភសិទ្ធបុគ្គល។ ដូច្នេះ បើអ្នកមិនចូលចិត្តសម្លេងកាមេរ៉ាទាំងនោះ អ្នកពុំគួរទិញស្មាតហ្វូនណាមួយ ដែលផលិតសម្រាប់ប្រទេសទាំងពីរនោះឡើយ៕
ប្រែសម្រួល៖ High
ប្រភព៖ Engadget