ម៉ូដស្បែកជើងកែង ៤ ប្រភេទដែលនារីៗនិយមប្រើប្រាស់នាឆ្នាំ ២០១២។ បើយើងនិយាយពីស្បែកជើងនោះ មិត្តនារីៗមុខជាញញឹមខ្ជឹបមិនខានទេ ព្រោះការដើរទិញសម្លៀកបំពាក់ជាពិសេសគឺស្បែកជើងគឺជាចំណូលចិត្តទី ១ របស់នារី។នារីដែលមានជើងស្រឡូនស្អាតគឺសាកសមជាមួយនឹងស្បែកជើងកែងចោទ ក្នុងនោះឆ្នាំ ២០១២នេះបើតាមប្រភពពីហាងលក់សម្លៀកបំពាក់ Online ធំមួយបានឱ្យដឹងពីម៉ូដស្បែកជើងកែង ៤ប្រភេទដែលមិត្តនារីៗបញ្ជាទិញច្រើនបំផុត។
១. ស្បែកជើងកែងចោទ ពណ៌ចម្រុះ
វាគឺជាអ្វីដែលគួរអោយទាក់ទាញព្រោះការរចនាពណ៌កាន់តែច្រើនគឺបង្ហាញពីភាពទាន់សម័យរបស់អ្នកប្រើប្រាស់ ហើយវាគឺសាកសមជាមួយនិងសម្លៀកបំពាក់ពណ៌ឆើតផងដែរ។
២. ស្បែកជើងកែងចោទ ពណ៌ខ្មៅ
វាគឺជារបស់មួយដែលមិនអាចចោលបាន វាគឺជារាជនីនៃត្រកូលស្បែកជើងកែងព្រោះ ពណ៌ខ្មៅជាមួយនឹងស្បែកស្ដើងនេះនៅតែទទួលបានប្រជាប្រិយភាពជាខ្លាំងជាពិសេសគឺសាកសមនៅពេលដែលចេញទៅពិធីធំដុំ។
៣. ស្បែកជើងកែងចោទ ពណ៌ទឹកមាស និងទឹកប្រាក់
វាគឺជាពណ៌មួយសម្រាប់ប្រើបន្ទាប់បន្សំ ហើយសាកសមនិងសម្លៀកបំពាក់រ៉ូបពណ៌មាស ឬពណ៌ប្រាក់ដែលគេនិយមប្រើនាពិធីជួបជុំផ្សេង។
៤. ស្បែកជើងប៉ាត់តា កែងចោទ
នេះត្រូវបានគេចាត់ទុកជាស្បែកជើងដែលមានគេបញ្ជាទិញច្រើនជាគេក្នុងឆ្នាំ ២០១២ ជាមួយនិងម៉ូដគួរអោយស្រលាញ់ គឺសាកសមជាមួយនឹងខោខាប៉ូយរឹប ដែលនារីៗនិយមចូលចិត្តនាពេលសព្វថ្ងៃ៕
ដោយ៖ ម៉ូកាប្រភពពី៖ K14