រដ្ឋាភិបាលជប៉ុន បានសំណូមពរចំពោះពលរដ្ឋរបស់ខ្លួនដែលរស់នៅក្នុងរង្វង់វិជ្ជមាត្រ
30គីឡូម៉ែត្រ ពីរោងចក្រអគ្គីសនីនុយក្លេអ៊ែរ Fukushima ទី១ មិនអោយចេញពីផ្ទះ ដើម្បី
បញ្ជៀសការឆ្លងជតិវិទ្យុសកម្ម។
ខុទ្ទកាល័យរដ្ឋាភិបាលជប៉ុន បានប្រាប់អោយដឹងថា ឡប្រតិកម្មលេខ4 របស់រោងចក្រ
Fukushima ទី1 ត្រូវបានផ្ទុះបន្ទាប់ពីមានការផ្ទុះឡលេខ1 និង លេខ3។ សេចក្តីប្រកាស
តាមទូរទស្សន៍របស់ នាយករដ្ឋមន្ត្រី Naoto Kan អោយដឹងថាជាតិ វិទ្យុសកម្ម បានរាលដាល
ចេញពីឡប្រតិកម្មលេខ4 របស់រោងចក្រ Fukoshima ទី1 មានកំរិតខ្ពស់បំផុត ។ លោក
បានបន្តថានឹងមានការធ្លាយចេញវិទ្យុសកម្មជាច្រើនទៀត ហើយលោកកំពុងតែប្រឹងប្រែង
អោយអស់ពីសមត្ថភាព ដើម្បីទប់ស្កាត់ការផ្ទុះ និងជ្រាបចេញវិទ្យុសកម្មនេះ។ ជាមួយគ្នានេះ
ដែរ ជប៉ុនក៏បានបង្កើតតំបន់ហាមឃាត់ការហោះហើរ ក្នុងវិជ្ជមាត្រ 3០គីឡូម៉ែត្រ ជុំវិញរោង
ចក្រអគ្គសនី នុយក្លេអ៊ែរ Fukoshima ទី1។ តែមិនហាមឃាត់ជើងហោះហើរ បំរើអោយការ
សង្គ្រោះមនុស្សឡើយ។
ជប៉ុនក៏បានស្នើសុំជាផ្លូវការដល់ស្ថាប័នថាមពលបរមាណូអន្តរជាតិដែលហៅកាត់ថា (IAEA)
ចាត់អ្នកជំនាញការ មកជួយស្តារព្រឹត្តិការណ៍នុយក្លេអ៊ែរដែលបានបង្កឡើងដោយការ
រញ្ជួយដី និង រលកយក្សស៊ូណាមិ កាលពីថ្ងៃទី11 មីនា កន្លងទៅថ្មីៗនេះផងដែរ៕