អ្នកថតរូបជនជាតិអង់គ្លេស ឈ្មោះ Jimmy Nelson បានចំណាយពេល ៣ឆ្នាំ ដើម្បីថតរូបភាពស្ដីអំពីកុលសម្ព័ន្ធដ៏អាថ៌កំបាំងចំនួន ៣៦ នៅជុំវិញពីភពលោក ដែលកំពុងប្រឈមនឹងការបាត់រលត់ពីផែនដីជារៀងរហូត។
ជនជាតិ Tsaatan នៅភាគខាងជើងប្រទេស ម៉ុងហ្គោលី គឺជាកុលសម្ព័ន្ធមួយដែលដើរត្រាច់ចរ និងរស់នៅពឹងផ្អែកទៅលើសត្វរមាំងតូច។ Tsaatan គឺជាកុលសម្ព័ន្ធចិញ្ចឹមសត្វបំលាស់ទីចុងក្រោយរបស់ប្រទេស ម៉ុងហ្គូលី។ ពួកគេរស់នៅក្នុងតំបន់ព្រៃ taiga នៅក្បែរប៉ូលខាងជើង ជាកន្លែងដែលសីតុណ្ហភាព ពេលខ្លះចុះដល់ ៥០អង្សាក្រោមសូន្យ។
Kazakh គឺជាកុលសម្ព័ន្ធ និងជាជនជាតិដើមរបស់ ទួរគី ដែលមានប្រភពមកពីភាគខាងជើងរបស់អាស៊ីកណ្ដាល។ ជាង ២សតវត្សកន្លង បណ្ដាបុរសក្នុងកុលសម្ព័ន្ធនេះ តែងនាំគ្នាជិះសេះចេញបរបាញ់ រួមជាមួយសត្វឥន្ទ្រីលឿង។
ជនជាតិ Mursi គឺជាកុលសម្ព័ន្ធចិញ្ចឹមសត្វត្រាច់ចរនៅ Great Rift ក្នុងទ្វីបអាហ្វ្រិក ភាគនិរតីប្រទេស Ethiopia ។ ពួកគេ រស់នៅដោយការចិញ្ចឹមសត្វ ប្រមូលអនុផលព្រៃឈើ បរបាញ់ និងធ្វើស្រែ តាមឆ្នេរទន្លេ Omo ។
កុលសម្ព័ន្ធ Huli Wigmen រស់នៅក្នុងប្រទេស Papua New Guinea ដែលមានឈ្មោះល្បី ដោយសារសក់ក្លែងក្លាយ ចម្លែកៗ និងមានច្រើនពណ៌។
ជនជាតិ Gauchos នៅ Argentina រស់នៅដោយពឹងលើសេះ និងដើរត្រាច់ចរនៅតាមវាលស្មៅ ចាប់ពីដើមសតវត្សទី ១៧ ។ មកដល់សតវត្សទី ១៩ ជីវភាពរបស់ពួកគេជួបការលំបាក ដោយសារតែច្បាប់នានារបស់ Argentina ប្រឆាំងនឹងការរស់នៅត្រាច់ចរ។
កុលសម្ព័ន្ធ Mustang នៅ Mun Tan ,Tibet គឺជាអ្នកជំនាន់ក្រោយនៃរាជាណាចក្រ Lo (Kingdom of Lo)។ ពួកគេរស់នៅក្នុងតំបន់ខ្ពង់រាប ចន្លោះ Nepal និង Tibet ។
កុលសម្ព័ន្ធ Maori គឺជាអ្នកស្រុកដើមរបស់ New Zealand ត្រូវបានគេចាត់ទុកជាក្រុមមនុស្សដែលមានភាពក្លាហាន និងជំនាញក្នុងការដើរផ្សងព្រេង។ ពួកគេបាននាំគ្នាធ្វើដំណើរពីបណ្ដាកោះ Polynesia ខាងកើត មកកាន់ New Zealand ចាប់ពីសតវត្សទី ១។
ស្ដ្រីក្នុងកុលសម្ព័ន្ធ Himba
ក្រៅពីនេះ ក៏នៅមានកុលសម្ព័ន្ធជាច្រើនដែលកំពុងត្រូវប្រឈមនឹងការបាត់ឈ្មោះពីផែនដី ដូចជា ៖ ជនជាតិ Chukchi នៅកោះ Chukotka , Himba នៅភាគខាងជើង Namibia និង Angola , Ladakh នៅតំបន់ Himalaya និង Karakoram , Maasai នៅអាហ្វ្រិកខាងកើត (Kenya និង Tanzania) , Ni-Vanuatu (Melanesian) នៅសាធារណរដ្ឋ Vanuatu , Drokpa នៅតំបន់ Jammu និង Kashmir (តំបន់ជម្លោះកម្មសិទ្ធិរវាង ឥណ្ឌា និងប៉ាគិស្ថាន) និងកុលសម្ព័ន្ធ Huaorani នៅតំបន់ Amazon អាមេរិកខាងត្បូង។
អត្ថបទសំខាន់ៗគួរចាប់អារម្មណ៍ ៖
ភរិយារាជបុត្រាឥណ្ឌា រស់នៅដោយកំសត់ ក្រីក្រ ក្នុងសំបុកកណ្ដុរ
មុខរបរជួញដូរទៀន របស់តារាម៉ូដែល ល្បីឈ្មោះ លំដាប់ពិភពលោក
ជីវិតរស់នៅរបស់ប្រជាជន នៃប្រទេសដែលបរាជ័យបំផុត ក្នុងពិភពលោក
ប្រែសម្រួលដោយ ៖ តារាប្រភព ៖ Dailymail