ទំព័រ GismoSlip នៅលើ Youtube ទើបតែបានធ្វើការពិសោធនូវភាពរឹងមាំរបស់ Galaxy Note 7 ដោយបង្កកវា រួចទម្លាក់ពីលើកំពស់ ៣០ម៉ែត្រ។
ដោយត្រូវបានបំពាក់កញ្ចក់ Gorilla Glass 5 និងសមត្ថភាពទប់ទល់នឹងជម្រាបទឹក និងធូលីតាមស្ដង់ដា IP68 ស្មាតហ្វូន Samsung Galaxy Note 7 ត្រូវបានគេវាយតម្លៃខ្ពស់បំផុតនាបច្ចុប្បន្ន ទាក់ទឹននឹងភាពរឹងមាំ និងគ្រឿងម៉ាស៊ីន។ល។
ប៉ុន្តែ ទំព័រ YouTube GismoSlip នៅតែចង់ពិសោធម្ដងទៀតដើម្បីឱ្យដឹងអំពីភាពរឹងមាំរបស់ស្មាតហ្វូននេះ ដោយវិធីពិសេសមួយ ៖ បង្កកស្មាតហ្វូននេះ រួចទម្លាក់ពីលើកំពស់ ៣០ម៉ែត្រ។
ដំបូង ពួកគេដាក់ Galaxy Note 7 ចូលទៅក្នុងចានកញ្ចក់មួយ រួចចាក់ទឹកឱ្យពេញ ហើយបង្កកវាដោយដាក់ចូលក្នុងទូរទឹកកក។
បន្ទាប់មក ពួកគេយក Galaxy Note 7 ដែលបង្កកដោយទឹកកក ទៅកាន់កំពស់ ៣០ម៉ែត្រ ហើយទម្លាក់វាចុះ។ សូមទាយមើលថា តើមានអ្វីខ្លះកើតឡើង?
ដុំទឹកកកបានបែកខ្ទេចខ្ទី ប៉ុន្តែ ស្មាតហ្វូន Galaxy Note7 នៅដដែល ហើយអ្វីដែលគួរកត់សម្គាល់គឺថា ស្មាតហ្វូននេះ នៅតែដំណើរការបានធម្មតា ដោយមិនមានបញ្ហាអ្វីកើតឡើង។
ដើម្បីបានដឹងច្បាស់ជាងនេះ សូមចុចមើលវីដេអូខាងក្រោម ៖
ប្រែសម្រួល ៖ បុត្រា ប្រភព ៖ PhoneArena