អង្គការសហប្រជាជាតិ បានប្រកាសថា ក្រុមអន្តរជាតិនៃអ្នកជួយសង្គ្រោះប្រមាណ3០ក្រុម
កំពុងត្រៀមខ្លួនដើម្បីចេញដំណើរទៅជួយសង្គ្រោះ ក្នុងមហន្តរាយដោយគ្រោះធម្មជាតិនៅ
ប្រទេសជប៉ុន ដែលបង្កឡើងដោយការរញ្ជួយដី ធ្វើឲ្យមានរលកយក្សស៊ូណាមិ ដ៏កំណាច ។
ការរញ្ជួយដីដ៏កំណាចបំផុតនៅជប៉ុនកាលពីរសៀលថ្ងៃទី11 មីនា 2011 ជាព្រឹត្តិការណ៍ធំបំផុត
មួយដែលមានកំរិត 8.9 រ៉ិកទ័រ បង្កឲ្យមានមនុស្សស្លាប់ រងរបួស និងបាត់ខ្លួនរាប់ពាន់នាក់ ព្រម
ទាំងបង្ករការខូចខាតហេដ្ឋារចនាសម្ព័ន្ធសង្គមយ៉ាងធ្ងន់ធ្ងរ បន្ទាប់ពីមានការរញ្ជួយដី
កម្លាំង9.1រ៉ិកទ័រ បង្កឲ្យមានរលកស៊ូណាមិ វាយប្រហារនៅឯប្រទេស ឥណ្ឌូនេស៊ី កាលពី
ឆ្នាំ2004 បណ្ដាលឲ្យមនុស្សជាង 220000នាក់បានស្លាប់ ក្នុងឧប្បត្តិហេតុនោះ ៕