គ្រោះថ្នាក់ ៖ បើតាមការអោយដឹង ពីប្រភពសារព័ត៌មានបរទេស Forum ដែលបានចេញផ្សាយកាលពីប៉ុន្មានម៉ោងមុននេះ បានអោយដឹងថា យុវជនឈាមរាវ ស្ថិតនៅក្នុងស្ថានភាពស្រវឹងម្នាក់បានបង្កឧបទ្ទេវហេតុគ្រោះថ្នាក់ចរាចរណ៍ នឹងបានបណ្តាលអោយមនុស្សមា្នក់ស្លាប់ ពីរនាក់ផ្សេងទៀតបានរងរបួស តែរឿងដែលហួសចិត្តនោះគឺថា គេបែរជាមិនតក់ស្លុតអ្វីនោះទេ តែបែរជាទៅថើបមិត្តស្រីរបស់ខ្លួនធ្វើព្រងើយទៅវិញ។
លើសពីនេះទៅទៀត បើតាមរបាយការណ៍ បានបញ្ជាក់បន្ថែម អោយដឹងផងដែរថា រឿងឧបទ្ទេវហេតុគ្រោះថ្នាក់ចរាចរណ៍មួយនេះ បានកើតឡើងនៅក្នុងខេត្ត Sichuan ភាគនិរតី ប្រទេសចិន ពោលគឺ បានបណ្តាលអោយមនុស្សស្លាប់បាត់បង់ជីវិតចំនួនមួយនាក់ នឹងពីរនាក់ផ្សេងទៀតបានរងរបួស បន្ទាប់ពីយុវជនឈាមរាវ វ័យ ១៩ ឆ្នាំម្នាក់ នឹងមានឈ្មោះថា Li Yalei ជាអ្នកបង្កហេតុបានបើកបរដោយស្តិតនៅក្នុងស្ថានភាពស្រវឹង នឹងមានល្បឿនលឿន។
គួរបញ្ជាក់ផងដែរថា បន្ទាប់ពីកើតមានឡើងនូវរឿងឧបទ្ទេវហេតុគ្រោះថ្នាក់ចរាចរណ៍មួយនេះ ក្រុមភ្នាក់ងារប៉ូលីសក៏ចុះមកធ្វើអន្តរាគមន៍ភ្លាមៗ ដោយបានរកអោយឃើញថា យុវជនវ័យ ១៩ ឆ្នាំរូបនោះ បើកបរស្តិតនៅក្នុងស្ថានភាពស្រវឹង នឹងគ្មានប័ណ្ឌបើកបរ ។ តែរឿងដែលមិននឹកស្មានដល់នោះ គឺថា ក្រោយកើតមានឡើងនូវរឿងឧបទ្ទេវហេតុមួយនេះ យុវជនរូបនោះបែរជាទៅឈរថើបជាមួយនឹងមិត្តស្រីរបស់ខ្លួនធ្វើព្រងើយទៅវិញ។
ជាចុងក្រោយ ប៉ូលីសក៏បានធ្វើការឃាត់ខ្លួន យុវជនឈាមរាវមួយរូបនោះ ក៏ដូចជារថយន្តបង្កហេតុ ដោយរង់ចាំការដោះស្រាយទៅតាមផ្លូវច្បាប់របស់ប្រទេសនេះ ៕
ដោយ ៖ រិទ្ធីប្រភព ៖ forums