Microsoft Lumia 435 ត្រូវបានគេយល់ថាជាស្មាតហ្វូនលំដាប់ក្រោមរបស់ Lumia 535 ហើយវាមានតម្លៃទាប គួរឱ្យចាប់អារម្មណ៍។
Microsoft វាយលុកទីផ្សារស្មាតហ្វូនតម្លៃទាប
មកដល់ពេលនេះ Microsoft ហាក់ដូចមិនទាន់បានត្រៀមខ្លួនជាស្រេចក្នុងការផលិតកំពុលស្មាតហ្វូន សម្រាប់ត្រកូល Lumia ដំណើរការដោយ Window Phone ។ ក៏ប៉ុន្ដែ សម្រាប់បណ្ណាផលិតផលតស្មាតហ្វូនម្លៃទាប គឺជាជំនាញរបស់ក្រុមហ៊ុននេះ។ ជាក់ស្ដែង បន្ទាប់ពីបានឧទ្ទេសនាម និងដាក់លក់ស្មាតហ្វូនតម្លៃទាប Lumia 535 មិនយូរប៉ុន្មាន គេក៏ចាប់ផ្ដើមបានឃើញរូបភាព និងព័ត៌មានជាច្រើន ទាក់ទិននឹងផលិតផលតម្លៃទាបផ្សេងទៀត ដែលអាចនឹងបង្ហាញខ្លួនក្នុងពេលដ៏ខ្លីខាងមុខ នោះគឺ Lumia 435។
ទូរស័ព្ទឆ្លាតវៃ Lumia 435 ទទួលបានការទទួលស្គាល់ពី FCC (គណកម្មការទូរគមនាគមន៍សហព័ន្ធ) និងការទទួលស្គាល់ផ្នែកគុណភាពរបស់ប្រទេសឥណ្ឌូនេស៊ីផងដែរ។ ផលិតផលខាងលើនេះ មាន ៥កំណែផ្សេងៗគ្នា រួមមាន RM-1070, RM-1071, RM-1034, RM-1068 និង RM-1032 ក្នុងនេះ ២កំណែចុងក្រោយ ប្រើស៊ីម ២។
អំពីផ្នែករឹង ស្មាតហ្វូន Microsoft Lumia 435 ប្រើប្រាស់ CPU Snapdragon 200 កាមេរ៉ាក្រោយ ៥មេហ្គាភិចសេល និងអេក្រង់ ៤អ៊ិន្ឈ៍ ដែលមានរីសូលូសឹន 480 x 800 ។ រូបរាងរបស់ Lumia 435 មានទំហំប្រហាក់ប្រហែលនឹង Lumia 520 ប៉ុន្ដែ តម្លៃរបស់វា ត្រូវបានគេបង្ហើបឱ្យដឹងថា ត្រឹមតែ ៥៧ដុល្លារអាមេរិក (ប្រហែល ២៣០.០០០រៀល) ប៉ុណ្ណោះ។
តម្លៃ ៥៧ដុល្លារ ដែលត្រូវបានទំព័រ PhoneArena លើកឡើង គឺជាលទ្ធផលនៃការស្រាវជ្រាវ និងវិភាគទៅលើទិន្នន័យរបស់ភាគីពាក់ព័ន្ធ។ មុននេះ ប្រភពពីឥណ្ឌា បានឱ្យដឹងថា បណ្ដាផលិតផលថ្មីមួយក្រុម ដែលនឹងត្រូវបាននាំចូលប្រទេសនេះ មានតម្លៃ ៥៧ដុល្លារ និងប្រើប្រាស់ប្រភេទថ្ម ដែលមានកូដ 5J ។ ទាក់ទិននឹងបញ្ហានេះ ភាគីខាង FCC ឱ្យដឹងថា ស្មាតហ្វូន Lumia 435 របស់ Microsoft នឹងក្លាយជាឧបករណ៍ដំបូងគេ ដែលប្រើប្រាស់ថ្មដែលមានលេខកូដដូចខាងលើនេះ។ ដូច្នេះ គេមិនពិបាកក្នុងការសន្និដ្ឋានថា ស្មាតហ្វូនដែលមានតម្លៃទាបនេះ គឺជា របស់ Microsoft ។
ថ្មីៗនេះ ក៏មានព័ត៌មានស្ដីអំពី Lumia 330 ប៉ុន្ដែ គេមិនទាន់ដឹងថា វាគឺជា Lumia 435 ឬយ៉ាងណា
បច្ចុប្បន្ន គេមិនទាន់ដឹងច្បាស់អំពីថ្ងៃបង្ហាញខ្លួនរបស់ស្មាតហ្វូនតម្លៃថោក Lumia 435 របស់ Microsoft ប៉ុន្ដែ ដោយយោងទៅលើព័ត៌មានទាក់ទិននឹងស្មាតហ្វូននេះ កាន់តែមានច្រើនឡើងៗ គេជឿថា មិនយូរទៀតនោះទេ Lumia 435 នឹងមានវត្តមានក្នុងទីផ្សារ។
គួររំលឹកថា មុននេះ ក៏មានព័ត៌មានស្ដីអំពីស្មាតហ្វូនតម្លៃទាប Lumia 330 ប៉ុន្ដែ មិនទាន់ដឹងថា តើផលិតផលដែលនឹងលេចមុខក្នុងទីផ្សារនាពេលខាងមុខនេះ នឹងមានឈ្មោះអ្វីឱ្យប្រាកដ៕
ប្រែសម្រួលដោយ ៖ តារាប្រភព ៖ PhoneArena/Pbtimes