ព័ត៌មានអន្តរជាតិ៖ បើតាមការអោយដឹងពីទំព័រសារព័ត៌មានបរទេសworldnewstoday ដែលទើបតែបានចេញផ្សាយកាលពីម្សិលមិញនេះ បានបញ្ជាក់អោយដឹងថា ក្រុមមន្រ្តីប៉ូលីសបានរកឃើញក្មេងតូចៗដល់ទៅ ១៩ រូប នៅក្នុងផ្ទះដ៏ក្តៅមួយ បង្អត់អាហារដល់ទៅ មួយអាទិត្យឯណោះ ដោយគ្មានអាណាព្យាបាលណាមួយថែទាំនោះទេ។
គួររំឮកផងដែរថា ក្មេងៗទាំងនោះ មានអាយុចន្លោះពី៨ខែ ដល់ ១៤ឆ្នាំ ស្របពេលដែលពួកគេទាំងអស់នោះ ត្រូវបានរកអោយឃើញថា បានដឹកជញ្ជូនមក និងសម្រាកព្យាបាលនៅឯមណ្ឌលសុខភាព ដែលក្រោយមកត្រូវបានបញ្ជូនមកទីនេះ ដោយស្តិតនៅក្រោមការមើលថែរក្សាគាំពារពីរដ្ឋ។
លើសពីនេះទៅទៀត ប្រភពដដែលបានបន្ថែមថា ស្រ្តីម្នាក់មានឈ្មោះថា Jackie Farah វ័យ ៣២ ឆ្នាំត្រូវបានចាប់ឃាត់ខ្លួន ស្របពេលដែលគេក៏ជាម្តាយក្មេងមួយចំនួនក្នុងចំណោមក្មេងៗទាំងអស់នោះផងដែរ ដោយគាត់បានទុកគេចោលមិនមានអាណាព្យាបាលណាមើលថែទាំ ស្របពេលដែលខ្លួនធ្វើដំណើរពី Chicago ទៅ Bowling Green។
គួររំឭកផងដែរថា ក្មេងៗទាំងអស់នោះ មិនមានអាហារទទួលដល់ទៅ ១ អាទិត្យ ស្របពេលដែលក្រុមមន្ត្រីប៉ូលីស បានទៅដល់កន្លែងកើតហេតុ សីតុណ្ហភាពកើនដល់ 90 degrees ឯណោះ៕
ដោយ ៖ ពិសីប្រភព ៖ worldnewstoday