សោកនាដកម្ម ដ៏គួរអោយរន្ធត់ បាក់រលំអណ្តូងរ៉ែមាស សម្លាប់មនុស្សច្រើនជាង ៦០ នាក់

ព័ត៌មានអន្តរជាតិ ៖ ដោយយោងតាមសេចក្តីរាយការណ៍ព័ត៌មាន ដែលបានចេញផ្សាយដោយគេហទំព័របរទេស CNN កាលពីវេលាល្ងាចម្សិលមិញនេះ  បានបញ្ជាក់អោយដឹងថា នៅឯភាគលិចប្រទេស ស៊ូដង់  រដ្ឋ Darfur កាលពីសប្តាហ៍កន្លងទៅ  អណ្តូងរ៉ែមាសមួយកន្លែង  បានជួបឧទ្ទេវហេតុបាក់រលំ   ដោយបានសម្លាប់ជីវិត មនុស្សជាច្រើននាក់  ខណៈពេលដែលច្រើននាក់ផ្សេងទៀត បានរងរបួស។

លើសពីនេះ   បើយោងតាមសម្តីរដ្ឋមន្ត្រីព័ត៌មាន​ មកពីអាជ្ញាធរជាតិ Darfur លោក Yaqub al-Damuki  បានបញ្ជាក់អោយដឹងថា  មកទល់នឹងពេលនេះ  មនុស្ស ៥២ នាក់ត្រូវបានរកឃើញហើយ  តែទោះជាយ៉ាងណា  សកម្មភាពក្នុងការរុករក អ្នករស់រានមានជីវិតនៅតែបន្តមាននៅឡើយ ដើម្បីធានាអោយបានថា ចំនួនអ្នកស្លាប់បាត់បង់ជីវិត នឹងមិនឡើងខ្ពស់ជាងនេះ។

ដោយឡែក  បើយោងតាមទូរទស្សន៍រដ្ឋ Ashorooq  ក៏បានដកស្រង់នូវសេចក្តីថ្លែងការណ៍ជាផ្លូវការ     កាលពីថ្ងៃព្រហស្បត្តិ៍ផងដែរថា  ករណីសោកនាដកម្ម  ដ៏គួរអោយរន្ធត់ក្នុងការបាក់អណ្តូងរ៉ែមាសមួយកន្លែងនេះ    បានសម្លាប់មនុស្សច្រើនជាង  ៦០ នាក់ទៅទៀត   ហើយបើនិយាយពីមូលហេតុ ដែលបានបណ្តាលអោយកើតមានឡើង នូវរឿងដ៏នឹកស្មានមិនដល់នេះក៏ព្រោះតែក្រុមកម្មកររ៉ុករករ៉ែជីកចំកន្លែងគ្រោះថ្នាក់ (people dig in dangerous areas) ៕

ដោយ ៖ ពិសិដ្ឋប្រភព ៖ CNN